3,417.49
“Эрвээхэйнүүд миний даашинз” номын зохиогч Үндэсний номын баярт оролцож, уран бүтээлийнхээ дээжийг уншигчдад хүргэж байна. Түүнийг Түвшиндэмбэрэлийн Оюусудар гэдэг. Тэрбээр одоо 13 настай. Бяцхан зохиолч Т.Оюусудар зургаан жилийн хугацаанд шүлэг бичиж байгаа гэнэ.
Бяцхан зохиолч Т.Оюусудар нь зохиолоороо дамжуулан өөрийн насныхан болоод дүү нартаа зөв санааг түгээх хүсэлтэй гэнэ.
Тэрбээр Хүүхдийн төв номын сангийн асарт сууж, анхны номоо яармаг худалдаанд дэлгэж байгаа аж. Т.Оюусудар өмнө нь ярилцлага өгөхдөө "Манай аав шүлгийн номоо анх гаргахад би шүлэгт дурлаж эхэлсэн юм. Анхны шүлгээ хоёрдугаар ангидаа буюу 2017 онд бичиж байлаа. Түүнээс хойш 59 шүлэг бичсэн байна. "Анх бичиж байгаа хүүхэд гэхэд муугүй, маш гоё бичсэн байна" гэж олон яруу найрагч надад урам зориг өгсөн нь номоо гаргахад чухал нөлөө үзүүлсэн. Энэхүү ном маань Их Эзэн Богд Чингис хааны 860 насны ойгоор хэвлэлтээс гарсан нь их бэлгэшээлтэй байсан. Миний шүлгийг уншиж, отгон гишүүнээрээ хүлээж авч, номыг маань гаргаж өгсөн “Цэгц Аравт" уран бүтээлийн нэгдлийн ах эгч нартаа маш их баярлалаа" гэдгийг хэлж байсан юм.
Түүний ярилцлагыг энд дарж уншина уу.
Холбоотой мэдээ