Мэргэжлийн сүмогийн Нацү башёгийн арав дахь өдрийн барилдаанууд өчигдөр/2023.05.23/ Токио хотын Рёогокү Кокүгикан ордонд боллоо. Арван өдрийн дараах байдлаар ёкозүна Тэрүнофүжи Г.Ган-Эрдэнэ болон Асанояама нар есөн даваа, нэг унаатай башёг тэргүүлсэн хэвээр байна.

Тэрүнофүжи Г.Ган-Эрдэнэ ес дэх өдөр Мэйсэйд унасан ч өчигдөр Котоновакаг давжээ. Мөн Кирибаяама Б.Лхагвасүрэн, Хокүсэйхо Э.Даваанинж нар найм дахь даваагаа авч, качикоши хийлээ. Сэкивэкэ Кирибаяама озэки цолонд улам л ойртсоор байна. Түүнд одоо хоёрхон даваа хэрэгтэй.

Харин Хошорюү С.Бямбасүрэн өчигдөр Нишикифүжиг, Тамаваши Б.Мөнх-Оргил Такарафүжиг, Чиёошома Г.Мөнхсайхан Оношог тус тус давжээ. Харамсалтай нь Миторюү Б.Төрболд Аойяамаг дийлсэнгүй,  зургаа дахь ялагдлаа хүлээв.

Өнөөдөр тун сонирхолтой барилдаан болох бөгөөд ёкозүна Тэрүнофүжи сэкивакэ Хошорюүтой хүч үзнэ.