ОХУ-ын Ерөнхий сайд Хятадад айлчилж байна

ОХУ-ын Ерөнхий сайд Хятадад айлчилж байна

ОХУ-ын Ерөнхий сайд Хятадад айлчилж байна

ОХУ-ын Ерөнхий сайд Михайл Мишустин Хятад улсад  айлчилж байна. Тэрбээр Хятадын дарга Ши Жиньпин даргатай уулзаж, дэд бүтэц, худалдааны асуудлаар хэд хэдэн хэлэлцээр байгуулна гэж Оросын Гадаад хэргийн яам мэдэгдэв. 

Эх сурвалжийн мэдээлснээр Мишустин Даваа гаригийн шөнө Шанхайн нисэх онгоцны буудалд газардсан бөгөөд түүнийг хоёр талын Элчин сайд нар угтан авсан байна. Шанхайд тэрбээр Орос-Хятадын бизнес форумд оролцож, нефть-химийн судалгааны хүрээлэнгээр зочилж бөгөөд тэнд байгаа Оросын бизнесийн хүрээллийн төлөөлөгч нартай уулзсан байна. Орос-Хятадын бизнес форумд барууны хориг арга хэмжээнд орсон Оросын бизнесийн хэд хэдэн магнатууд, тэр дундаа бордоо, ган, уул уурхайн гол салбарууд болон эрчим хүчний асуудал эрхэлдэг бизнесменүүдийг урьсан гэж "Bloomberg" мэдээлжээ.  Мишустиний айлчлалтай холбоотойгоор өчигдөр Шанхай дахь ОХУ-ын Консул болон форум болсон газруудад цагдаагийн хамгаалалтыг нэмэгдүүлсэн байжээ. 

Хятад улс нь өнгөрсөн жил Оросын эрчим хүчний хамгийн том хэрэглэгч болсон. Хэрэв Хятад улс Оросоос их хэмжээний байгалийн хий аваагүй бол барууны хориг арга хэмжээнээс болж Москвагийн хийн экспорт огцом буурах байв.

Мишустин өнөөдөр Бээжин хотод айлчилж, Хятадын төрийн зөвлөлийн ерөнхий сайд Ли Цян болон дарга Ши Жиньпин нартай хэлэлцээ хийнэ. Тэрбээр Орос улсаас Хятадад хөдөө аж ахуйн бүтээгдэхүүний борлуулалтаа нэмэгдүүлэх хүсэлтээ илэрхийлжээ. "Оросын хөдөө аж ахуйчид Хятадын зах зээлд бүтээгдэхүүнээ экспортлох, нийлүүлэх ургамал, амьтны гаралтай бүтээгдэхүүний нэр төрлийг нэмэгдүүлэхэд бэлэн байна" гэж Мишустин онцолжээ. Мөн Хятад улстай дэвшилтэт технологийн салбарт илүү ойр дотно хамтарч ажиллах хүсэлтэй гэв. 

Хятад, Орос хоёр улс сүүлийн жилүүдэд эдийн засгийн хамтын ажиллагаа, дипломат харилцаагаа эрчимжүүлж, Украинд түрэмгийлснээс хойш стратегийн түншлэлийн харилцаа улам бүр ойртож байна. Гэсэн ч Хятад улс нь энэ дайнд төвийг сахисан байр суурийг баримталж, өнгөрсөн хоёрдугаар сард талуудын хооронд энхийн гэрээ байгуулах санаачилгыг гаргасан. 

Сүүлд Москва хотноо өнгөрсөн гуравдугаар сард болсон чуулга уулзалтын үеэр Ши Жиньпин ОХУ-ын ерөнхийлөгч Владимир Путиныг Бээжинд айлчлахыг урьсан.

Шинжээчдийн үзэж байгаагаар Хятад улс Оростой харилцах харилцаанд тэргүүлэх байр суурийг эзлэх болсон бөгөөд Москвагийн олон улсын тусгаарлалт гүнзгийрэх тусам түүний нөлөө улам бүр нэмэгдсээр байна. 

ЭХ СУРВАЛЖ: AGENCE FRANCE-PRESSE

Энэ мэдээнд өгөх таны сэтгэгдэл?
3
ЗөвЗөв
3
ХахаХаха
2
ТэнэглэлТэнэглэл
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

9 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Оросын эдийн засаг 2023 оноос хойшоо улам хүчирхэг болж байгаа нь үнэхээр гайхал төрүүлмээр шүү.. 2023-05-24 192.82.76.101

Үнэхээр сонин шүү.

Avatar

Zochin 2023-05-24 86.111.139.163

mongol min dund ni hojij amidrah umsan.Oros- Hyatadiig holbodogdoh abarga hiin hooloi manai dunduur unguruh tusul ni uurchikgdchihbel yanaa.Orosuud yagaad Bladibostokoo Hyataduudad uguh geed bn !!!

Avatar

зочин 2023-05-24 192.82.86.74

Орос, Хятадын томчуудтай бид юү ярих билээ. Тэгээд ч хэн билээ. Томчууд бүх зүйлээ аль хэдийн түүгээрээ тохироо биз бодоход.
Одоо зөвхөн гарын үсэг зурах л гэж ирсэн байхөө.

Avatar

Зочин 2023-05-24 64.119.26.245

Амар байна уу ах аа намайг бодоорой

Avatar

Зочин 2023-05-24 192.82.73.240

Хүнд цагт : Орос, Хятадын биесээ дэмжиж түшсэн найрамдал,эв нэгдэлт олон талт хамтын үйл ажиллагаа бүх талаар үүрд мөнхөд цэцэглэн хөгжих болтугай.Бусдыг урьдаж түрүүлж өдөөгүй дэлхийн аврага том – Орос,Хятад хоёр гүрэн.

Avatar

Зочин 2023-05-24 64.119.26.24

Барууны хөрөнгөтнүүд дэлхийг ганцаар захирах.ноёрхолоо тогтоохыг хүсэгчид, бусад орныг өөрийн хараат боолоо байлгахыг мөрөөдөгсөды, Эдний ганц гол зорилго бол ОХУ, дараа нь БНХАУ, үүний дараа тусгаар тогтнолыг хүсэгч бусад орныг сүйрүүлж, төрд нь өөрийн дохиогоор ажиллах тоглоомын хүмүүсээ гаргах явдал. Хэрэв орос хятад болон бусад орон үүнийг хүсээгүй бол үүнтэй хамтран тэмцэх,улс орныхоо тусгаар тогтнол бүрэн бүтэн байдлаа хамгаалах талаар санаа тавихаас өөр зам байхгүй.

Avatar

Зочин 2023-05-24 66.181.160.52

Оросын зөнөг өвгөчүүл Хятадыг бараадах санаатай … Гэвч залуу үе нь яачиж байсан барууныг л шүтнээстэй ….Боддоо.. Орос пацаан Хятад хип хоп сонсхуу ?…

Avatar

Зочин 2023-05-24 64.119.26.24

Иймэрхүү хүмүүс, баруунд долигногсод, хэдэн долларын төлөө эх орноо худалдахад бэлэн шуналт этгээдүүд бол жинхэнэ урвагсад, харгис зэрлэг этгээдүүдтэй хуйвалдсан ардын дайсан мөн,

Avatar

Зочин 2023-05-24 64.119.29.146

Ёстой дампуу сайт шүү.Ямар ч улс төрийн мэдлэггүй.Хүзүүгүй хүн чинь хэлдэггүй юм уу.Өөрөө л гадаадаар яваад улс төр хийгээд байдаг.Энэ хэддээ сургалт явуулаа ч дээ

NewsMN Гар утасны хувилбар Татах
NEWS.mn

Мэдээллийн эх сурвалж