Засгийн газрын хэрэгжүүлэгч агентлаг Биеийн тамир, спортын газар, Тайвань улсын Спортын менежментийн нийгэмлэгтэй 2009 оны аравдугаар сард хийсэн хэлэлцээрийн хүрээнд энэ оны  тавдугаар сард аймаг, нийслэл, дүүрэг, тусгай байгууллагын Биеийн тамир, спортын газар, хороодын удирдах ажилтны сургалт, семинарыг Тайвань улсад амжилттай зохион байгуулсан билээ.
Тэгвэл энэ удаа Тайваний Спорт менежментийн нийгэмлэг, Тайваний Спортын Үндэсний их сургуулийн эрдэмтэн багш нараас бүрдсэн сургалтын баг Улаанбаатар, Дархан-Уул, Орхон аймгийн биеийн тамир, спортын чиглэлээр үйл ажиллагаа явуулдаг төрийн болон төрийн бус байгууллагын мэргэжилтэн, багш, дасгалжуулагчдын дунд сургалт зохион байгуулахаар энэ сарын 30-наас есдүгээр сарын 04-ний өдрүүдэд манай улсад айлчлахаар төлөвлөөд байна.
Наймдугаар сарын сарын 31-ний өдрийн 10.00 – 17.00 цагт Эрүүл мэндийн яамны Сургалт, мэдээллийн танхимд болох сургалт, семинарт оролцохыг хүссэн дүүргийн мэргэжилтэн, багш, дасгалжуулагч, арга зүйч, холбоодын менежер, багш, дасгалжуулагчид БТСГ-ын мэргэжилтнүүдтэй уулзаж, бүртгүүлэх ёстой аж.

СУРГАЛТ СЕМИНАРЫН ХӨТӨЛБӨР

 2010.08.31. Улаанбаатар хот

10:00 – 11:20 цагт:

Спортын менежментийн дэлхийн орчин үеийн чиг хандлага;

Профессор Yeh, Kong-Ting Тайваны Спортын Үндэсний Их сургуулийн тэнхмийн эрхлэгч, Тайваны спортын менежтентийн зөвлөлийн ерөнхийлөгч

11:30 – 13:00 цагт:    
    
Спортын барилга байгууламжын удирдлага, зохион байгуулалт.

Профессор Kang, Cheng-Nan Тайваны Спортын Үндэсний Их сургуулийн багш
14:30 – 16:00 цагт:         

Спортын аж үйлдвэрлэл болон нийтийн биеийн тамир.

Профессор Yeh, Kong-Ting

16:10 – 16:35 цагт:   
      
“Биеийн тамир, спорт, чийрэгжүүлэлтийн магадлан итгэмжлэлийн журам” төсөл танилцуулах

О.Гэрэл. БТСГазрын Магадлан итгэмжлэл, мониторингийн албаны ахлах мэргэжилтэн

16:35 – 17:00 цагт:    
     
Монголын хүүхдийн спортын IV их наадмын нэгдсэн зааварын төсөл танилцуулах.

Х.Бакытжан БТСГазрын  Биеийн тамир, спортын хэлтсийн ахлах мэргэжилтэн