Хирошимад хуран чуулж буй "Их-7"-ийн удирдагчид дэлхийн хэмжээний чухал сэдвүүдийг хэлэлцэхийн хажуугаар япон соёлтой танилцаж байна. Хирошима нь шинэхэн хясаа, окономияки амтат бингээрээ алдартай. Тэдний оройн зоогонд жигнэсэн хясаа, наймаалжтай гүн шарсан шошны ороомог, шарсан хулс зэрэг бүс нутгийн онцлог шинжийг агуулсан хоол багтжээ. Мөн Хирошима мужийн Шобара хотод харьцангуй сэрүүн нөхцөлд өсгөсөн үхрийн махаар тэдэнд үйлчилсэн байна.

Түүнчлэн удирдагчид 593 оноос эхтэй Ицүкүшима сүмд зочилсон. Энэ нь дэлхийн өвд бүртгэгдсэн сүм юм.

Мөн хөтөлбөрийн хүрээнд ерөнхий сайд Фүмио Кишидагийн гэргий Юко Кишида бусад тэргүүн хатагтай нарыг дагуулан цайны ёслолтой танилцуулжээ. Тэд Хирошима дахь Үэда Соко Рью цайны ёслолын сургуульд зочилсон бөгөөд цайг хэрхэн уламжлалт аргаар таашаан уухыг тэдэнд үзүүлэв.

Дашрамд дурдахад, энэ удаагийн дээд хэмжээний уулзалтад зориулж улс бүрийн онцлог амтыг нэмсэн шинэ төрлийн "окономияки" жорыг гуравдугаар сард Хирошимад гаргажээ. 

Эх сурвалж: JAPAN TODAY