Монгол Улсын эдийн засагт нэн хувь нэмэр оруулсан 2022 оны ТОП-100 аж ахуйн нэгжүүдийн нэгээр "Монполимeнт" ХХК компани шалгарч, шилдэг аж ахуйн нэгжийн нэгээр тодорлоо. Энэ үеэр тус компанийн төлөөлөл ТУЗ-ийн дарга Н.Мөнхнасан өөрийн сэтгэгдлээ хуваалцлаа.

Тэрбээр "Манай компани анх 1992 онд байгуулагдаж үйл ажиллагаагаа явуулж эхэлсэн. Одоо 31 жилийн турш тогтвортой үйл ажиллагаагаа явуулж байна. Манай компани нөхөн сэргээлт, олборлолт болон байгаль орчинд ээлтэйгээр нэмүү өртөг шингээсэн компани үйл ажиллагаагаа явуулж байгаа билээ. Компанийн хувьд 2500 ажлын байр бий болгон таван үйлдвэр бий болгож, эх орондоо ам.долларын урсгал бий болгон эдийн засагт хувь нэмэр оруулсан.

Мөн тэргүүний нөхөн сэргээх чадвартай компаниар 20 жил тасралтгүй шалгарч ирсэн. Энэ жил бидний зорилт нь тасралтгүй нийлүүлэлт, үнийн бодлого болон чанар байгаа. Бид бүтээгдэхүүний нийлүүлэлтэд сайн анхаарч байна. Сайн нөөцтэйгөөр үйл ажиллагаа явуулахыг зорьж байна. Чанарын хувьд харьцуулалтаараа номeр нэгт хэвээрээ. Үнийн хувьд тээвэрлэлтээс үүдэн үнийн бодлого баримталж буй. Үүнд мөн цахилгаан болон түлшний үнээс хамааралтай байгаа. Үнийн хувьд уян хатан байлгахаар ажиллаж байна" гэв.

О.Болор