"Хэл бичгийн шалгалтад унасан сурагчдаас дахин шалгалт авна"

Боловсролын үнэлгээний төвөөс өнөөдөр /2023.05.16/ монгол хэл бичгийн шалгалтыг дахин зохион байгуулах болон улс орон даяар ерөнхий боловсролын сургуулийн багшийн гүйцэтгэлийн үнэлгээний шалгалтыг зохион байгуулахтай холбоотой мэдээлэл хийж байна.

БҮТ-ийн захирал Л.ГАНБАТ:

-Монгол хэл бичгийн шалгалтыг 2013 оноос эхлэн Засгийн газрын 37 дугаар тогтоолын дагуу их, дээд сургуульд элсэн суралцах суралцагчдаас заавал авах шалгалт болгосон. Босго оноо 400 байхаар тогтоосон онцлогтой явагддаг шалгалт. Өөрөөр хэлбэл, 400 онооны босго давж байж дотоодын их, дээд сургуульд элсэх эрх үүсдэг. Энэ жилийн шалгалтыг дөрөвдүгээр сарын 22-нд зохион байгуулсан бөгөөд бүртгэлийг хоёрдугаар сараас гуравдугаар сарын 31-н хүртэл онлайнаар явуулсан. Тус шалгалтын үндсэн зорилгын хүрээнд эх хэлний үндэсний зөвлөлөөс монгол хэл бичгийн шалгалтын даалгавар, зөвлөмж мэдээллийг боловсруулж гаргасан байдаг. Элсэлтийн ерөнхий шалгалтыг тестээр авдаг бол хэл бичгийн шалгалтыг бичих, унших, сонсох чадварын хүрээнд бүтээлч хэлбэрээр авдаг байгаа. Хэл бичгийн шалгалтыг 100 хувь гар аргаар шалгаж, оноожуулдаг. Нийт 50 онооны А, Б хувилбарын даалгаврууд байгаа. БҮТ авсан бүх шалгалтын хүрээнд дүн шинжилгээг хийдэг. Энэ удаагийн шалгалтын статистикаас харахад дүн оноо үнэн зөв гарсан.

Монгол хэл, бичгийн шалгалтыг авч эхэлснээс хойш уран зохиол, үндэсний бичгийн хичээлийн үр дүн маш сайжирч байгаа. Улсын дунджийг сүүлийн зургаан жилийн оноотой харьцуулж үзвэл 50-35 оноо байна. Гүйцэтгэлийн хувиар авч үзвэл 70 хувь байгаа юм.

Эх зохион бичих, найруулах хэсэг дээр засалт хийж байгаа мэргэжлийн багш нар дүгнэж байгаа. Тиймээс энэ шалгалтын гол зорилго амжилттай хэрэгжиж байна гэж харж байна. Аймаг, дүүргийн монгол хэл бичгийн шалгалтын үр дүнг авч үзвэл Өвөрхангай, Говьсүмбэр, Баянгол, чингэлтэй дүүргүүд хэл бичгийн шалгалтын дүн оноогоор тэргүүлж байна.

Энэ жилийн шалгалтад нийт 30 мянга 879 шалгуулагч хамрагдаж 26 мянга 17 сурагч тэнцсэн.

Нийт 4862 шалгуулагч тус шалгалтад тэнцээгүй буюу босго оноо даваагүй. Аймаг, дүүргийн шалгуулагчдын дэлгэрэнгүй мэдээллээс харвал:

Эх хэл, бичгийн шалгалтыг дөрөв, арваннэгдүгээр сард зохион байгуулах анхны тов гарсан. Үүнийг журмаар зохицуулж, мэдээллийг нийт шалгуулагчдад хүргүүлсэн байгаа. 2013 оноос хойш жилд монгол хэлбичгийн шалгалтыг хоёр удаа зохион байгуулж, босго оноогоо аваагүй шалгуулагчдаас арваннэгдүгээр сард дахин шалгалт авдаг болсон. Энэ жил зургадугаар сард элсэлтийн ерөнхий шалгалт, арванхоёрдугаар сард мөн давтан ЭЕШ зохион байгуулна. Цахим хуудаст шалгуулагчид босго оноогоо даваагүй ч ЭЕШ өгөх боломжтой. Төр бүх хүүхдэд тэгш боломж олгох ёстой. Хэл бичгийн босго оноо даваагүй сурагчид наймдугаар сарын 19-нд дахин өгч, хамрагдах боломжтой.

Дахин шалгалтад хамрагдах сурагчид наймдугаар сарын 1-11-нд хийлгэнэ.

Бид унасан бүх хүүхдийг заавал тэнцүүлэх гээд энэ шалгалтыг авч байгаа зүйл биш. Шалгуулагч өөрөө хичээл зүтгэлтэй байвал 400-гаас дээш оноо авч ирэх намар шинэ хичээлийн жилд оюутан болох боломжтой. Наймдугаар сарын шалгалтад унавал ирэх арваннэгдүгээр сард дахин шалгалт өгөх боломжтой.