Хятадын Ухань хотын нэгэн цэцэрлэгийн багш 10 жил ажиллаж авах  хэмжээний цалинг нэг шууд дамжуулалтаар олсныхоо дараа ажлаасаа гарчээ. Хуан багшийн хүүхдүүдэд шүлэг зааж буй   видео бичлэгүүд онлайн платформд тавигдсаны дараа хэдэн зуун мянгаас сая сая үзэгчтэй болсон аж. Тухайлбал,  Хуан "Цэцэрлэгт цэцэг тарих" хэмээх хятад хүүхдийн шүлгийг дуулж буй видеог 100 сая гаруй хүн үзсэн байна.

Хятадын Доуин платформ дээр 4 сая гаруй дагагчтай Хуан хэд хэдэн шүтэн бишрэгчийнхээ ятгалгаар энэ сарын эхээр  шууд дамжуулалт хийсэн аж. Гайхалтай нь  олон үзэгч түүний шууд дамжуулалтыг эхлүүлэнгүүт шууд л мөнгөөр булж эхэлсэн гэнэ. Тэрбээр шууд дамжуулалтаар 500 мянга орчим юань олсон бөгөөд энэ нь түүний 10 жил ажиллаж авах цалинтай тэнцэх хэмжээний мөнгө юм. Хуан багшийн цалин сард 3000 юань гэнэ.

Хуан багшийн ажлаасаа гарч, шууд дамжуулалтаа бүтэн цагаар хийнэ гэж мэдэгджээ.

Тэрбээр нэгэн компанитай гэрээ байгуулж, эхний гурван шууд дамжуулалтдаа зориулж 2 сая гаруй юанийн цалин авсан байна.

ЭХ СУРВАЛЖ: NEXT SHARK