Баянзүрх дүүргийн тавдугаар хороо, Жуковт байрлах “Сэнгүр горхи” хотхоны баруун талд байрлах байрны хоёр давхрын хоёр айлд гал гарчээ. Онцгой байдлын газарт дуудлага мэдээлэл өнөөдөр /2023.05.13/ 16:00 цагийн үед ирсэн бөгөөд шуурхай ажиллаж галыг унтраасан байна.

Дуудлага мэдээллийн дагуу БЗД-ийн гал унтраах ангийн албан хаагчид 30 орчим минут ажиллаж,  галыг унтраажээ.

Гал гарсан айлд бага насны хүүхэд байсан бөгөөд хоёр давхраас буулгаж, амийг нь аварсан байна. Алба хаагчид галын шалтгааныг тодруулахаар ажиллаж байна гэлээ.

Албан бус эх сурвалжуудын хэлж байгаагаар гал тагт хэсгээс гарчээ.

Галын дуудлагыг тус байрны оршин суугч онцгой байдлын газарт өнсөн байна. Нэг хүүхэд тагтан дээрээ гарч ирж хашхирч, иргэн дуудлага өгсөн аж. Аврагчид хажуу талын айлаас хөнжил авч дэвсэн, хүүхдийг буулгасан байна.