Өнгөрсөн сарын 5-нд Үндэсний цэцэрлэгт хүрээлэнд хийж эхэлсэн тохижилтын ажил олныг талцуулаад байсан. Байгаль орчин аялал жуулчлалын яамныхан ч уг асуудалд нухацтай хандаж, нийслэлийн ундны эх үүсвэр болсон ногоон тохижилттой газарт заавал дахин бүтээн байгуулалт хийх шаардлагагүй гэдгийг мэдэгдсэн. Харин нөгөө талд Үндэсний цэцэрлэгт хүрээлэнгийн зүгээс нийт талбайн заасан хэмжээ буюу таван хувьд багтах тохижилтын ажлыг KFC хийж байгаа гэсэн юм. Ямартай ч тус бүтээн байгуулалтын ажлыг зогсоогоогүй үргэлжилж байгаа бөгөөд тохижилтыг хүлээж авахад долоо хоног үлджээ.
Үндэсний цэцэрлэгт хүрээлэнгийн амралтын бүс нийт 973 га газартай. Харин "Таванбогд трейд" ХХК-ийн хэрэгжүүлж буй тус ажил 1,1 га талбайд нь хийгдэж буй юм.
"Үндэсний цэцэрлэгт хүрээлэн" ОНӨТҮГ-ын дарга Ү.Оюунзулын хэлснээр "Тус төслийн зураг төсөл батлагдсан бөгөөд энэхүү ажлыг эхлүүлэх санал таван жилийн өмнө гарсан. Тодруулбал, тус төслийг хэрэгжүүлэхээр тухайн компани 2018 онд анх хандсан. Шаардлагатай төсвөө бэлдээд, Үндэсний цэцэрлэгт хүрээлэнтэй зөвшилцөж зургаа эцэслээд, гэрээгээ албажуулаад эхэлсэн цаг хугацаа нь л одоо таарч байна. Гүйцэтгэгч компанийн зүгээс анх санал тавихдаа барилга барихгүй, хөшөө босгохгүй, худалдаа үйлчилгээ хийхгүй, жил бүр арчилгаагаа танай, манай хамтраад хийгээд явна, ногоон байгууламж хийнэ. Иргэдэд шаардлагатай орчин бүрдүүлнэ гэж тохирсон нийгмийн хариуцлагын хүрээнд хийгдэж байгаа төсөл.
Тавдугаар сарын 20-нд ажил нь дуусаад цэцэрлэгт хүрээлэнд хүлээлгэн өгч, нийслэлийн өмчид бүртгэж авна. Ажлыг зогсоох шийдвэр огт гараагүй.
Цэцэрлэгт хүрээлэнгийн ерөнхий төлөвлөлтийн дагуу 973 га талбайн 15 хувьд тохижилт хийгдэх ёстой. Одоогийн байдлаар 15 хувийн тохижилтын даалгавартай газрын таван хувьд улс, нийслэл, гадаад, дотоодын хөрөнгө оруулалтаар тохижилт хийгдсэн 10 хувь нь хийгдээгүй. KFC-ийн тохижилт хийж байгаа талбай бол таван хувьд багтсан. Үндэсний цэцэрлэгт хүрээлэн жилд дунджаар давхардсан тоогоор дулааны улиралд өдөр 15 мянга орчим хүн, хүйтний улиралд таван мянга гаруй хүн хүлээж авдаг. Ногоон орчноос гадна, тохижилт, тоглоомын талбай зайлшгүй хэрэгтэй. Тиймээс төрөөс дэмжлэг хүлээх биш хувийн хэвшилтэйгээ хамтарч ажиллах нь зөв гэж шийдсэн" гэх тайлбарыг өгч байв.
Нэргүй 2023-05-13 103.57.93.58
Бие засах газраа хийж , ажлуулж чадахгүй үнэндээ хогийн газар шдээ.
ЗОЧИН 2023-05-13 139.5.218.67
KFC ШИГ РЕКЛАМААР НҮДДЭГ ҮЙЛЧИЛГЭЭ ТААРУУ ГАЗРУУДЫГ БОЙТОКЛОХ ХЭРЭГТЭЙ.
Нэргүй 2023-05-13 192.82.86.123
IKON ii Ravdan durak bas iishee orj irdeg boljee
ЗОЧИН 2023-05-13 139.5.218.67
ТОХИЖИЛТ ГЭСЭЭР НААД ЦЭЦЭРЛЭГТ ХҮРЭЭЛЭН ЧИНЬ ЦЕМЕНТЭН ЗАМ ТАЛБАЙ БОЛЖ ДУУСЛАА. ХАА САЙГҮЙ ИДЭЖ УУХ ШОРЛОГНЫ ГАЗАР БОЛЛОО. ЦЭЦЭРЛЭГТ ХҮРЭЭЛЭН БИШ УУЖ ИДДЭГ ГАЗАР БОЛСОН БАЙНА. БАС ХЭРЭГТЭЙ ХЭРЭГГҮЙ ЭРЭЭВЭР ХУРААВАР ХӨШӨӨ БАРЬМАЛНЫ ЦУГЛУУЛГА БОЛСОН БАЙНА.
Зочин 2023-05-13 202.126.88.102
Энд ууланд гараад, хотоос хол гараад цэвэр агаар амьсгалж чадахгүй хөгшид хүүхдүүд болон бусад хүмүүс мод зүлгэний дэргэд сууж цэвэр агаар амьсгалах, нам гүм орчинд стрессээ тайлах орчин л байх ёстой.
Нэргүй 2023-05-13 66.181.182.18
ene dargantsariig solimoor yum daa.
Нэргүй 2023-05-13 202.131.225.197
avilga shaachij
Нэргүй 2023-05-13 202.126.90.135
ХУЛГАЙЧУУД !!!
монгол 2023-05-13 103.212.116.194
Зураг дээр байгаа энэ техникийг сурталчилж байгаа юм уу
Нэргүй 2023-05-13 103.254.123.26
Бидэнд KFC биш ногоон байгууламж хэрэгтэй .NYC шиг Central Park тай болмоор байна