Хүүхдийн төлөө фондод өнөөдрийн байдлаар 11 тэрбум төгрөг хадгалагдаж буй аж. Уг фондыг 2021 онд байгуулсан бөгөөд автотээврийн хэрэгслийн сонирхол татахуйц дугаарыг худалдан борлуулсны орлого, төрийн бус байгууллага болон компани, иргэдийн хандив, тусламжаас эх үүсвэр авч, орлогоо бүрдүүлж иржээ. Тухайлбал, автотээврийн хэрэгслийн сонирхол татахуйц дугаарыг худалдан борлуулсны орлогоор 9 тэрбум төгрөг төвлөрсөн бол төрийн бус байгууллагуудаас 2 тэрбум, хандив тусламжаар 17.1 сая төгрөг тус бүр төвлөрсөн байна.

Мөн энэхүү фондоос олон улсын тив дэлхийн наадамд оролцож амжилт гаргасан хүүхдүүдэд урамшуулал болгон 81 сая 700 мянган төгрөг олгосон бол олон улсын тивийн олимпиадад амжилт гаргасан 15 хүүхдэд 25 сая төгрөгийн урамшуулал олгожээ.

Г.ХОРОЛ