Хаана: Монгол шилтгээн

Хэзээ: 2023.07.6,7,8

Тасалбарын үнэ: 240.000 төгрөг

МОНГОЛД ДОЛДУГААР САРД К-ПОП ФЕСТИВАЛЬ ХИЙХЭЭР ТӨЛӨВЛӨСӨН

“Монголд зочлох жил 2023-2025” арга хэмжээний хүрээнд “К-поп фестиваль"-ийг 2023 оны долдугаар сард Монгол Улсад зохион байгуулахаар хоёр тал эцэслэн шийдвэрлэсэн. БНСУ, Монгол Улс, Япон Улс, БНХАУ, ОХУ, Зүүн өмнөд Азийн орнуудад танигдсан "К-поп дуучид" Монгол Улсад ирж тоглолтоо хийх бөгөөд Монгол Улсын рок, попын уран бүтээлчид мөн тус тоглолтод оролцохоор харилцан тохиролцлоо.

Дууны урлагийн 400 гаруй уран бүтээлч нэгдэж, БОАЖ-ын сайдтай уулзаж, байр сууриа илэрхийлсэн.

Ингэхдээ гадаадын жуулчдыг татахын ийм фестивалийг зохион байгуулах нь зөв. Гэхдээ зохион байгуулалт, гүйцэтгэлийн ажлыг төр бус салбарын мэргэжлийн уран бүтээлчдээр хийлгэх нь чухал. Уран бүтээлчдийн зүгээс гурван үеийн хамтлаг, дуучдынхаа төлөөллийг фестивальд оруулах саналтай байгаагаа хэлсэн байна. Одоогоор фестивалийг хаана зохион байгуулах нь тодорхойгүй байна.

"ХУРД" ХАМТЛАГ 30 ЖИЛИЙН ОЙН ТОГЛОЛТТОЙ

Хурд хамтлагийн 30 жилийн ойд зориулсан "Хурд 30" тоглолт 2023 оны зургадугаар сарын 10-ны 15:00 цагаас Төв цэнгэлдэх хүрээлэнд болох гэж байна. Хурд рок хамтлаг нь анх 1987 онд Төмөр замын вагон депогийн ажилчин хэсэг залуусын дунд хөгжим сонирхогчийн хэмжээнд байгуулагдаж, уран бүтээлээ туурвиж эхэлсэн юм.

Улмаар 1991 оны ардчилсан хувьсгал гарч уг хамтлагийн нэгдүгээр бүрэлдэхүүн тарснаар, тус бүрэлдэхүүнд тоглож байсан бөмбөрчин Д.Ганбаяр үлдэж, 1993 оноос одоогийн бүрэлдэхүүнийг сонгон шалгаруулж, метал рок хөгжмийн төрлөөр уран бүтээлээ туурвисаар өнөөдрийг хүрчээ.

Хурд хамтлаг нь 6 гишүүнтэйгээр анхны “Хар салхи” бүрэн хэмжээний концертоо 1995 оны гуравдугаар сард Улсын Циркт амжилттай тоглосоноор, Монголын хөгжиж буй “РОК” хөгжмийн түүхэнд цоо шинэ эрэлхийлэл, шинэ стиль хэв маягийг хүчтэйгээр нэвтрүүлж, Монголын ард түмнийг, тэр дундаа амьд хөгжим сонирхогч рокер залуусыг байлдан дагуулж байв.

Хаана: Төв цэнгэлдэх хүрээлэн

Хэзээ: 2023.06.10

Тасалбарын үнэ: 40.000 төгрөг

"THE HU" ЭХ ОРОНДОО НЭГ ЦАГИЙН ТОГЛОЛТ ХИЙНЭ

"The Hu" хамтлаг ирэх зургадугаар сард эх орондоо тоглолт хийхээр болжээ. Энэ талаар тус хамтлагийн продюсер Б.Дашдондогоос тодруулахад "Хамтлагийн залуус маань Монголд зургадугаар сарын 1-4-ний хооронд зохион байгуулах  “Power expo & Fest” наадмын тайзнаа тоглох юм байна. Фестивальд өөр хамтлаг, дуучид оролцоно.

Манай хамтлагийн хувьд хамгийн сүүлд нэг цагийн турш тоглолтоо үзэгчдэд хүргэнэ. Бид одоо гурав дахь цомгийнхоо ажилдаа ороод, их л завгүй байна" гэв.

Уран бүтээлчдээс онцолбол дэлхийд алдаршаад байгаа "The HU" хамтлаг тэргүүтэй, Монголын амьд хөгжмийн домгууд болох Никитон, Нисванис зэрэг хамтлагуудаас гадна шинэ залуу уран бүтээлчид ч ирэх юм байна. Тус наадмын нүүр царайгаар реппер Гинжин, Mrs.M нар ажиллаж байгаа бөгөөд тэд удахгүй тус наадмын сүлд дууг үзэгч сонсогчдод толилуулна.

Хаана: Авто худалдааны цогцолбор төв

Хэзээ: 2023.06.1-06.04

Тасалбар: 129.000 төгрөг