Эрт илрүүлэгт нэг сая хүн хамрагдаад байна

Эрт илрүүлэгт нэг сая хүн хамрагдаад байна

Эрт илрүүлэгт нэг сая хүн хамрагдаад байна

Одоогоос жилийн өмнө эхэлсэн улсын хэмжээний эрт илрүүлгийн үзлэгт нэг сая орчим хүн хамрагдсан болохыг Эрүүл мэндийн яамнаас мэдээллээ. Тус үзлэгт эрүүл мэндийн даатгал төлөлт хэвийн тохиолдолд хэзээ ч хамрагдах боломжтой. Тодруулбал, Нийслэлийн эрүүл мэндийн газраас "Хүн амын нас, хүйс, эрүүл мэндийн эрсдэлд суурилсан зонхилон тохиолдох халдварт болон халдварт бус өвчнөөс урьдчилан сэргийлэх, эрт илрүүлэг үзлэг, оношилгоо, шинжилгээ 2022 оны тавдугаар сарын 1-нд эхэлсэн. Тус үзлэг энэ оны тавдугаар сар хүртэл үргэлжилж дуусна гэдэг ташаа мэдээлэл гарсан. Үзлэг, шинжилгээ цаашид үргэлжлэн хийгдэх учир иргэд хүлээцтэй хандаж, өөрийн боломжид тохируулан эрт илрүүлэгт заавал хамрагдах хэрэгтэй" гэсэн юм.

Иргэдийн зүгээс оочер их, үзлэгийн цаг авахад багадаа хоёр, дээд тал нь хоёр сарын дараах цаг байгааг шүүмжилж байна. Харин албаныхан заавал харьяа өрхийн эмнэлэгт бус хувийн эмнэлэгт ч хандаж үзлэг, шинжилгээнд хамрагдах боломжтойг онцолсон.

Эрүүл мэндийн яам өнгөрсөн жилээс иргэн бүрийг эрт илрүүлгийн үзлэгт хамруулах санаачилга гаргасан. Хүн амыг урьдчилан сэргийлэх, эрт илрүүлэх үзлэг, шинжилгээ, оношилгоонд 2022 оны тавдугаар сарын 01-нээс 2023 оны тавдугаар сар хүртэлх хугацаанд улсын хэмжээнд нэг сая орчим хүн хамрагдаад буй.

Тус эрт илрүүлгийн үзлэгт хамрагдаагүй иргэд харьяа өрх болон заасан хувийн эмнэлэгт хандахыг зөвлөж байна. Үзлэг, оношилгоо дуусаагүй бөгөөд хэвийн үргэлжилж байгаа учир яарах шаардлагагүй аж.

Өнгөрсөн сарын байдлаар эрт илрүүлэгт хамрагдсан хүмүүсийн 45,5 хувь нь эрэгтэйчүүд, 54,5 хувь нь эмэгтэйчүүд. Насны хувьд залуучуудын хамрагдах хувь бага байсан аж. Тиймээс зарим тодорхой зохицуулалтуудыг үргэлжлүүлж байгаа гэсэн юм. Тухайлбал, 35 хүртэлх насныхны эрт илрүүлгийн идэвх муу байгаа учир харъяалал харгалзахгүй үзэх шийдвэр гаргаад байгаа. Тодруулбал, ЭМЯ, дүүргүүдийн нэгдсэн эмнэлэг, хувийн зарим эмнэлгээс өгсөн мэдээллээр эрүүл мэндийн даатгал төлсөн  бол 35-аас доош насныхан төрсөн он, сар, өдөр харгалзахгүй эрт илрүүлэгт хамрагдах боломжтой гэсэн юм.

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2023-05-04 43.228.128.90

Лекц яриа хийгээд нэрсээ бич гэнэ. Цаг хязгаартай ганцхан өдөр үзээд явна гэж тулгана. Баахан сүлжээний эм зарна. Тэр олон бүртгүүлсэн хүмүүс яаж нэг өдөр амжих вэ? Сүлжээний баахан эм аваад тарна. Харин ийм байдлаар бүртгэл нь сая хүрсэн гэдэг үнэн байхаа. Талын тал нь үзүүлж чадсан байж магадгүй. Ингэж л статистак мэдээ гаргааад хэдэн ахмадуудыг хуураад сурчихсан. Гоё гоё.

Avatar

Иргэн 2023-05-04 66.181.160.96

Тоондоо өиш чанартаа анхаараасай, нэг үзүүлсэнийх гээд нилээн урамтай энэ зохион байгуулж байгаа үзлэгт хамрагдсаан. 3-р эмнэлэгт…цус, шээсны шинжилгээ, биеийн индекс, дотор эхо/элэг, нойр, бөөр,эмэгтэйчүүд- нэг доор/, рентген, зүрхний бичлэг дуусаад л ерөнхий эмч дээр гэсэн. Очсон, цус үээсний шинжилгээ гэсэн, би өчигдөр өгсөн юмсан гэсэн чинь үүдний тэнд машинаас 1 хуудсыг нь 1000 төгрөг төлөөд аваад ир гэсэн, аваад л очсон.3 хүүхэн бсан, 1 нь өөдөөс царай харж бгаад л бичээд бсан.

NewsMN Гар утасны хувилбар Татах
NEWS.mn

Мэдээллийн эх сурвалж