Варшав хотын эрх баригчид ОХУ-ын Элчин сайдын яамны харьяа дунд сургуулийг хаажээ. Москвагийн зүгээс энэ үйл явдалд дургүйцлээ илэрхийлж байна. Энэ нь олон улсын гэрээг илэрхий зөрчсөн үйлдэл бөгөөд гарах үр дагавар нь хатуу байхыг сануулав. Орос ажилтнууд Бямба гаригт сургуулийн барилгыг хоосолж эхэлжээ.

Энэ үйл явдалтай холбоотойгоор ОХУ-ын ерөнхийлөгч асан Дмитрий Медведев твиттертээ мэдэгдэл хийсэн. Тэрбээр цаашид Польштой дипломат харилцаагаа хадгална гэдэг утгагүй хэрэг гэжээ. "Украинд Польшийн хөлсний цэргүүд дүүрэн байгаа. Тэднийг харх шиг хайр найргүй устгах хэрэгтэй" гэж Медведев хэлсэн байна.

Сургуулийн барилгыг цаашид Варшав хотын захиргааны харьяалалд шилжүүлж буйг Польшийн Гадаад хэргийн яамны хэвлэлийн төлөөлөгч мэдэгдлээ.