ОХУ-ын Ерөнхийлөгч Владимир Путин Украинд дайн эхлүүлснээсээ хойш дотоодын эсэргүүцлийг дарах зорилгоор эх орноосоо урвасан хэрэгт бүх насаар нь хорих ялын дээд хэмжээг нэмэгдүүлэх тухай зарлигт Баасан гаригт гарын үсэг зурлаа.

Уг зарлигийг Кремлийн цахим хуудсанд нийтэлжээ. Хууль тогтоогчид эх орноосоо урвасан хэргээр насаар нь хорих ялыг 20 жилээс дээш сунгахаар аль хэдийн санал хураасан байв. Мөн ОХУ-ыг тогтворгүй болгоход чиглэгдсэн, хүний ​​амь насанд аюул учруулсан "террорист үйлдэл"-д оноох ялын дээд хэмжээг одоогийн 15 жилээс 20 жил болгон нэмэгдүүлэн баталсан.

Хорлон сүйтгэсэн гэм буруутай нь тогтоогдсон хүмүүс мөн 15 жилээс 20 жил шоронд суух  бол "олон улсын терроризм"-ын хэрэгт буруутгагдаж буй хүмүүс 12 жилээс дээш хугацаагаар бүх насаар нь хорих ял авах боломжтой. Уг тогтоолд "олон улсын терроризм" гэж юу болохыг тайлбарлаагүй байна.

Эрх баригчид сөрөг хүчний цөөн хэдэн дуу хоолойг хаан боогдуулах  хүчин чармайлтаа эрчимжүүлж байна гэж  үзэж байна. Харин Орос улс Украин болон барууны тагнуулын байгууллагуудаас улс орноо хамгаалахын тулд ийм хууль гаргах шаардлагатай гэж үзэж байна гэв. 

ЭХ СУРВАЛЖ: REUTERS