ДБЭТ-ын захирал Ц.Түвшинтөгс өмнө нь энэ дуурийн талаар ярихдаа "Театрын уран бүтээлчид маань нэгэн сайхан дуурийг үзэгчдэдээ хүргэхээр бэлтгэлээ базааж байна. Цаг үе их өөрчлөгдөж байна. Ялангуяа дэлхийтэй хөгжмөөр ярьдаг театрынхаа урын сандаа шилдэг бүтээлүүдийг оруулах хүсэл сонирхол, эрмэлзэлтэй байдаг. Аливаа шинэ уран бүтээлийг хийхдээ тухайн орны эх хэлээр нь дуулж, байгаа театр хаана ч байхгүй.

Бид 60 жилийн хугацаанд урлагийн үнэ цэнийг л бий болгох гэж хичээж явна. Бид өнөөдөр үнэ цэнэ бүтээмээр байна. Тиймээс уран бүтээлчдийн өмнө маш том сорилт тулгарч байна. Залуу уран бүтээлчдэдээ маш их итгэж байна. Өнөөдрийн шинэ уран бүтээл болох "Макбет" дуурь бол маш хүнд дуурь. Бид энэ сорилтыг даван  туулж чадна. Та бүхэндээ маш их баярлалаа" гэдгийг хэлж байв.

-Театр маань өнөөдөр 60 насны ойтой золгож байна. Энэ ойн хүрээнд Италийн алдарт хөгжмийн зохиолч Ж.Вердийн "Макбет" дуурийг үзэгчдэдээ толилуулахад бэлэн болоод байна. Энэ дуурийг хөгжмийн зохиолч Ж.Верди 1847 онд тавьсан түүхтэй. Үүний дараагаар зарим нэг шүүмжид өртөж, хэтэрхий хүнд зохиол байна гэсний дараа 1865 онд дахин засвар хийж, Парист нээлтээ хийсэн байдаг.

Монгол хүний сэтгэхүй, монгол хүний мэдрэмжээр агуу Ж.Вердийн дуурь хэрхэн эгшиглэх вэ. Хөгжим бол дэлхий нийтийн хэл байдаг. Үүнийг монгол уран бүтээлчид яаж дэлхийтэй холбох вэ гэдгээрээ онцлог. Мөн энэ дуурийн 1847 болон 1865 оны хувилбарыг нэгтгэж байгаагаараа өвөрмөц" гэдгийг онцолж байв.