Ж.Сэнгэдорж найруулагчийн уран бүтээл болох “Худалдагч охин” уран сайхны кино Япон улсын кино театруудаар гарч эхлэх гэнэ. Энэ талаар киноны гүйцэтгэх продюсер Т.Номуунзулаас тодруулахад "Худалдагч охин" уран сайхны кино дөрөвдүгээр сарын 28-наас Японы кино театруудаар япон дуу оруулгатайгаар албан ёсоор гарч эхэлнэ. Хугацааг нь сайн хэлж мэдэхгүй байна. Ойролцоогоор нэг сарын хугацаа болох байх. Хэрвээ үзэлт сайн байвал тэрнээс ч урт хугацаагаар кино театруудаар гарна.

Монголоос анх удаа гадаад улсын кино театрт албан ёсны дуу оруулгатайгаар гарч буй уран сайхны кино болж байна.

Бид энийг сурталчилж, мэдээлэхгүй байгаа. Монгол уран бүтээлчид гадаадад ажиллаж, амьдарч буй монголчууддаа зориулж, театр түрээслэн уран бүтээлээ хүргэдэг. Мөн "Худалдагч охин" уран сайхны киноны хөгжмийг дуучин Магнолианы сүүлд гаргасан "Slow burn" цомог, болон анхны цомгоос авч ашигласан. Япон улсын кино театруудаар кино гарч байгаатай холбоотойгоор дуучин Магнолианы "Best of Magnolian" нэртэй цомог Японд албан ёсоор худалдаанд гарч эхэлж байгаа" гэв.

"Худалдагч охин" уран сайхны кино саяхан 25 дахь жилдээ Итали улсын Үдинэ хотод зохион байгуулсан олон улсын кино фестивалийн уралдаант хэсэгт, өрсөлджээ. Уг фестивальд гол дүрийн жүжигчин Б.Баярцэцэг уригдан оролцож, үзэгчид  халуун дотно хүлээн авсан байна. Мөн гуравдугаар сард Франц улсад зохион байгуулсан "Vesoul International Film Festival in Asian Cinema" 29 дэх кино фестивалийн "Шилдэг кино" буюу "Алтан дугуй" цом хүртсэн юм.