Нийслэлийн Засаг дарга, Ерөнхий сайд, МАН-ын дарга, УИХ-ын дарга, УИХ-ын гишүүн гээд Монголын төрд хашаагүй алба, хийгээгүй ажил байхгүй гэж хэлж болох Миеэгомбын Энхболд тун удахгүй докторын зэрэг хамгаалах ажээ.

Боловсрол, шинжлэх ухааны яамны цахим хуудаст мэдээлснээр, “Улаанбаатар эрдэм их сургуулийн докторант Миеэгомбын Энхболд “Бүтээмжийн менежментийг боловсронгуй болгох нь” (Макро түвшний жишээн дээр) сэдвээр Менежментийн доктор (Ph.D)-ын зэрэг хамгаалах юм байна.

Докторын зэрэг хамгаалуулах зөвлөлийн хурал 2023 оны дөрөвдүгээр сарын 28-ны өдөр 13.00 цагт ШУТИС-ийн БУХС (хуучнаар КТМС)-ийн “Эрдмийн зөвлөлийн өрөө”-нд болох аж.