“IEM Rio 2023” тэмцээнд Ази тивийг төлөөлөн оролцож буй “The Mongolz” баг өнөөдөр/2023.04.19/ дэлхийн шилдэг “Heroic” багтай хэн нь тэмцээнээ цааш үргэлжлүүлэх вэ гэдгээ үзэх шийдвэрлэх тоглолтыг хийв. Нийт гурван “map” тоглолт гарсан бөгөөд эхний “map” дээр “Heroic” илүүрхсэн бол хоёр дахь “map” дээр монгол залуус хариуг нь барьж, цувралыг тэнцүүлсэн.

Тоглолтын үеэр “Heroic”-ийн тамирчны бие муудаж дасгалжуулагч нь орлосон юм. Ийнхүү шийдвэрлэх “map” дээр “Heroic” илүүрхэж, цааш шалгарах эрхээ авлаа. Удахгүй болох Парисын Мэйжорын өмнөх бэлтгэл боллоо гэж фэнүүд үзэж байна.