Н.Мандуулыг чөлөөлөх шийдвэр гаргаагүй

Н.Мандуулыг чөлөөлөх шийдвэр гаргаагүй

Н.Мандуулыг  чөлөөлөх шийдвэр гаргаагүй
Хөгжлийн банкны гүйцэтгэх захирал Н.Мандуул үүрэгт ажлаасаа чөлөөлөгдөх хүсэлтээ Төлөөлөн удирдах зөвлөл /ТУЗ/-дөө өгчээ. Хөгжлийн банкны Төлөөлөн удирдах зөвлөлийн хуралдаанаар Гүйцэтгэх захирал Н.Мөнхсүхийг хүсэлтийнх нь дагуу чөлөөлж, Н.Мандуулыг 2021 оны наймдугаар сард оронд томилж байв. Тэрбээр энэ тухайгаа өөрийн цахим хуудаснаа нийтлэхдээ "Миний хувьд ажлаас чөлөөлөгдөх өргөдлөө хувийн шалтгаанаар энэ оны нэгдүгээр сарын 13, мөн дахиж дөрөвдүгээр сарын 4-нд өгсөн байсан. Намайг анх Цар тахлын хуулиар түр томилсон. Банкны Гүйцэтгэх захирлын албан тушаалд сонгон шалгаруулалт зарлах учиртай. Одоогоор улс төрд орох бодол байхгүй ээ" гэжээ.
Гэхдээ ТУЗ-ийнхөн нь ажлын үр дүнгээ гаргатал, чөлөөлөгдөх өргөдлийг нь хүлээж авахгүй гэдэг байр суурьтай байгаа аж. Тодруулбал, Хөгжлийн банкны зээл бүрэн төлөгдөөд шүүхийн асуудал цэгцэртэл байлгах сонирхолтой аж.
Н.Мандуул нь 2007 онд Сангийн яамны Төсвийн бодлогын газрын мэргэжилтнээс ажлын гараагаа эхлүүлж, Төсвийн бодлогын газар, Санхүүгийн бодлогын газарт хэлтэс, газрын дарга хүртэл нийт 10 гаруй жил Сангийн яаманд ажилласан туршлагатай аж.

Сангийн яаманд ажиллах хугацаандаа Засгийн газрын "Мазаалай", "Хуралдай", "Дим сам", "Гэрэгэ" болон “Century” зэрэг бондыг олон улсын зах зээлд арилжаалах ажлыг удирдаж байсан бөгөөд Санхүүгийн зах зээлийн дунд хугацааны бодлого, санхүү, төсөв болон хөрөнгийн зах зээлийн томоохон хуулиудыг батлуулахад гол үүрэг гүйцэтгэжээ.

Санхүүгийн тогтвортой байдал, системийн эрсдэл, макро бодлого, Засгийн газрын санхүүгийн статистик, Төслийн санхүүжилтийн загварчлал зэрэг чиглэлээр Дэлхийн банк, Олон Улсын Валютын Сангийн сургалтуудад хамрагдаж мэргэжил дээшлүүлсэн бөгөөд англи, орос хэлтэй.

Боловсролын байдал:

  • 1990-2000        Ерөнхий боловсролын 1 дүгээр сургуульд бүрэн дунд боловсрол
  • 2003-2007        Болгар дахь Америкийн их сургуулийг Бизнесийн удирдлагын бакалавр /Соросын сангийн тэтгэлэг/
  • 2012-2014        АНУ-ын Брэндайзын их сургуулийг Бизнесийн удирдлагын магистр /АНУ-ийн Засгийн газрын Фүлбрайтын тэтгэлэг/

Ажилласан байдал:

  • 2007-2008        Дэлхийн банкны Засаглалыг дэмжих төслийн дотоодын зөвлөх
  • 2008-2012        Сангийн яамны Төсвийн бодлогын газарт мэргэжилтэн, хэлтсийн дарга
  • 2013-2014        IHS, Consulting group, АНУ, Санхүүгийн шинжээч
  • 2014-2018        Сангийн яамны Санхүүгийн бодлогын газарт хэлтсийн дарга
  • 2019-2020        “Эрдэнэс Тавантолгой Майнинг” ХХК-ийн Тэргүүн дэд захирал,
  • 2020-2021        “Эрдэнэс Монгол” ХХК-ийн Дэд бүтэц хариуцсан захирал,
  • 2021- оноос     Сангийн яамны Санхүүгийн бодлогын газрын даргаар тус тус ажилласан.
Энэ мэдээнд өгөх таны сэтгэгдэл?
2
ЗөвЗөв
1
ТэнэглэлТэнэглэл
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Нэргүй 2023-04-18 124.158.69.106

Дандаа дарга хийж ирсэн нөхөр мэргэжлээ мэдэх үү… за доо төвөг цаашаа

Avatar

Нэргүй 2023-04-18 172.91.183.102

Хөгжлийн банкны өр нэмэгдэж төлөгдөх найдваргүй болсон учраас эртхэн салж зайлья гэсэн байх. Яана даа, төсөвт их дарамт болох нь дээ

Avatar

Нэргүй 2023-04-18 103.229.120.141

Дараагийн томилгоо нь тодорхой болж дээ. Монгол банк руу явуулах нь дээ.

Avatar

Нэргүй 2023-04-18 217.148.142.172

Яанаа. Энэ мандуулгүй бол Монгол сүйрчих юм бн л дөө хэхэ. Цуглуулсан гуншин бол сүр ай. Хүн нь харин хэр өлөн юм бол

Avatar

зочин 2023-04-18 192.82.89.1

Уг нь алтан намтартай, боловсролтой залуу байна. Ер нь энэ залууг Хөгжлийн банкны өрийг барагдуулахаар тавьсан юм бишүү?

NewsMN Гар утасны хувилбар Татах
NEWS.mn

Мэдээллийн эх сурвалж