Засгийн газраас “Шил” ажиллагааны хүрээнд Хөдөө аж ахуйн дэмжих сан, Төрийн болон төрийн өмчит байгууллагын ТУЗ-ийн гишүүдийн нэрсийг ил болгож буй билээ. Энэ хүрээнд өнөөдөр дээрх ТУЗ-ийн гишүүдийн цалингийн мэдээллийг shilen.gov.mn байршуулсан талаар ЦХХХ-ны сайд Н.Учрал мэдээллээ. Энэ дагуу ТУЗ-ийн гишүүдийн цалинтай танилцвал дунджаар 170-970 мянган төгрөгийн цалинтай байлаа. Үүнээс гадна зарим байгууллагын цалингийн мэдээлэл одоог хүртэл байршаагүй байна. Нийт 71 байгууллагын ТУЗ-ийн цалингийн мэдээлэл ил болох ёстой байв.

Одоогоор цалингийн мэдээлэл нь ороогүй байгууллагууд:

• Эрдэнэс таван толгой ХК,
• Багануур ХК
• Төрийн банк
• Хөгжлийн банк
• Дархан арьс ширний цогцолбор бүтээн байгуулалт ХХК
• Таван толгой төмөр зам ХХК
• Шивээ овоо ХК
• Хөдөө аж ахуйн корпораци ТӨХХК ТУЗ -ын мэдээлэл
• Эрчим хүчний үндэсний төв ТӨХХК
• Нью улаанбаатар интернэйшнл эйрпорт ХХК
• Эрдэнэс монгол ХХК
• Монгол газрын тос боловсруулах үйлдвэр ХХК
• Биокомбинат ХХК

ТУЗ-ИЙН ГИШҮҮД ХАМГИЙН БАГАДАА 170 МЯНГАН ТӨГРӨГИЙН ЦАЛИНТАЙ