Өмнөд Солонгосын ерөнхийлөгч Юн Сук Ёлын амь насанд заналхийлсэн мессежийг цахим ертөнцөд бичсэн хүнийг тус улсын цагдаагийн газраас IP хаягаар нь хайж буй тухай мэдээлжээ.  Цахим сүлжээнд өчигдөр орой нийтэлсэн мессежид сэжигтэн нь криптовалютаар гар буу худалдаж авсан тухай бичсэн бөгөөд "Ерөнхийлөгчийг алж, эх орноо аваръя" хэмээгээд гар бууны зургаа хамт оруулсан байна.

Сөүлээс 112 км зайтай орших Чонжү хотын цагдаагийн газраас уг хэргийг мөрдөн шалгаж байгаа аж. Өмнө нь өнгөрсөн оны долдугаар сард Японы ерөнхий сайд асан Шинзо Абэг хөнөөсөн халдлага гарсан.