Эрх баригчдын хүслийг АН "гүйцээнэ"

РЕДАКЦИЙН ЗУРВАС

Эрх баригчдын хүслийг АН "гүйцээнэ"

Эрх баригчдын хүслийг АН "гүйцээнэ"

Авлигын эсрэг, нүүрсний хулгайтай тэмцэнэ гэсэн эрх баригчид өнгөрч буй долоо хоногт хоёр гишүүнийхээ бүрэн эрхийг түдгэлзүүлэв. Харин энэ долоо хоногт УИХ сонгуулийн тухай хуулиар амьсгалж магадгүй байна.  УИХ-ын сонгуулийн тухай хуулийг өөрчлөх, гишүүдийн тоог нэмэх, сонгуулийн тогтолцоог өөрчлөх гэж эрх баригчид багагүй хугацааг үдэв. Өнгөрсөн долоо хоногт Засгийн газрын хуралдаанаар УИХ-ын гишүүн Н.Энхболд нарын гишүүдийн боловсруулсан Сонгуулийн тухай хуульд нэмэлт, өөрчлөлт оруулах төслийг хэлэлцэж, 30 гаруй санал нэмж тусгуулахаар хууль санаачлагчид нь буцаасан юм. Өөрөөр хэлбэл, УИХ-ын гишүүн Н.Энхболд тэргүүтэй УИХ дахь намуудын төлөөллөөс бүрдсэн ажлын хэсгийн боловсруулсан сонгуулийн хуулийг өөрчлөхөөр аль хэдийнэ ажилдаа орсон бөгөөд Засгийн газраас нэмж санал аваад УИХ-д удахгүй өргөн барина гэсэн үг.

Эрх баригчид сонгуулийн тухай хуулийг холимог тогтолцоогоор явуулах буюу 38/38 гэсэн хувилбарыг сонгож, гишүүдийн тоог нэмэх санаархалтай байгаа. Ингэхдээ Үндсэн хуульд нэмэлт, өөрчлөлт оруулж чадахгүй бол 38 жагсаалтаар, 38 нь тойргоос гэж байгаа боловч хэрэв Үндсэн хуульд нэмэлт, өөрчлөлт хийнэ гэвэл УИХ-ын гишүүдийн тоотой холбоотой заалтыг өөрчлөхөөр зэхэж байгаа.

Үндсэн хууль: III бүлэг

  • 21.1 Улсын Их Хурал нэг танхимтай, далан зургаан гишүүнтэй байна гэсэн заалттай.

Энэ заалтыг өөрчилж, гишүүдийн тоог нэмэхээр тохирсон бөгөөд Үндсэн хуульд өмнө нь ороогүй өөрчлөлтөөр нэмэлт, өөрчлөлт оруулах боломжтой гэж үзэж буй. УИХ-ын гишүүний 76 тоог нэмнэ гэвэл Үндсэн хуулийн энэ заалтыг өөрчилж, 150, 108 гишүүнтэй болох хувилбарууд яригдаж байна. Түүгээр зогсохгүй сонгууль явуулахын өмнөх нэг жилийн дотор УИХ-ын сонгуулийн тухай хуулиар оролдохгүй байх заалтыг 2019 оны Үндсэн хуулийн нэмэлт, өөрчлөлтөөр хийсэн. Өмнө нь сонгууль болохоос зургаан сарын өмнө сонгуулийн хуулийг өөрчилж болдог байсан бол одоо нэг жил болсон.  Өөрөөр хэлбэл, эрх баригчид Сонгуулийн хуулиа өөрчлөе гэвэл 2023 оны зургадугаар сараас өмнө өөрчлөх боломжтой гэсэн үг. Үндсэндээ эрх баригчдад одоо хоёрхон сарын хугацаа бий.

Үндсэн хууль: III бүлэг

  • 21.4.Улсын Их Хурлын сонгуулийн журмыг хуулиар тогтооно. Улсын Их Хурлын ээлжит сонгууль явуулахын өмнөх нэг жилийн дотор Улсын Их Хурлын сонгуулийн тухай хууль батлах, түүнд нэмэлт, өөрчлөлт оруулахыг хориглоно.

Засгийн газраас өнгөрсөн долоо хоногт УИХ-ын сонгуулийн тухай хуульд санал өгөхдөө жагсаалтаар нэр дэвшигчдийн 50 хувь нь эмэгтэй, нэр дэвшигчдээс аль нэг хүйсийн эзлэх хувь 30-аас доогүй байх  саналыг хууль санаачлагчид өгсөн гэдгийг ЗГХЭГ-ын дарга Д.Амарбаясгалан онцолсон. Мөн жагсаалтаар нэр дэвшигч 38 хүний нэрийг намууд гаргахдаа эмэгтэй, эрэгтэй байх зарчмыг баримтлах саналыг өгсөн гэсэн юм.

Сонгуулийн систем нь холимог бөгөөд  УИХ-ын 76 гишүүний 38 нь тойргоос,  38 нь намын жагсаалтаар УИХ-д сонгогдох байхаар тохирсон.  Мөн гадаадад байгаа сонгогдчын саналыг авах, улс төрийн намуудын босгыг бууруулах, хүйсийн харьцаанд тэнцвэрээ хадгалах зэрэг өөрчлөлтүүдийг хийхээр төлөвлөж буй. Сонгуулийн тухай хуулийг дагаж нэгэн чухал хууль орж ирж байгаа нь Улс төрийн намын тухай, улс төрийн намын санхүүжилттэй холбоотой хуулийн төсөл. Эрх баригчдын зүгээс эдгээр хуулиудад өөрчлөлт оруулж, улс төрийн намуудтай зөвшилцсөн бөгөөд сонгуулийн зардлын бууруулах, зардлыг ил тод нээлттэй болгох, төсвөөс тодорхой төсөв олгох гэх мэт хувилбарууд яригдаж буй. Ийн сонгуулийн хууль боловсруулж дуусч байгаа учраас цөөнхий бүлгээс хуулийн төслийг өргөн бариулахаар “тохиролцжээ”. Эрх баригчид өөрсдөө “гал” авахгүйн тулд цөөнхийн бүлгээр боловсруулсан хуулийн төслөө өргөн бариулна гэх мэдээлэл бий. Чухам хэн нь өргөн барихаас үл шалтгаалж, Үндсэн хуулийн нэмэлт, өөрчлөлт, сонгуулийн тухай хуульд “гар хүрэх” хоёрхон сарын хугацаа үлдэж байна, эрх баригчдад. Эрх баригч МАН-ын дарга Л.Оюун-Эрдэнэ парламентын хоёр ч гишүүнд “хариуцлага” тооцож, нэг гишүүнийг нь өөрийн хүсэлтээр өргөдөл “өгүүлсэн” учраас одоо парламент олонх, цөөнхтэйгээ түүний захиалсан хөгжмийг тоглох болов уу. Ийм дүр зураг, “зохиол” аль эрт бичигдэж, бичигдсэн зохиолын дагуу явж байна гэдгийг ч учир мэдэх хүмүүс, улс төрийн хүрээнд ярих болоод удаж буй.

Энэ мэдээнд өгөх таны сэтгэгдэл?
5
ХахаХаха
3
ЗөвЗөв
3
ТэнэглэлТэнэглэл
1
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

16 сэтгэгдэл

News.mn сайтад сэтгэгдэл оруулахад анхаарах зүйлс

Avatar

СОНГОГЧ 2023-04-03 202.9.46.48

21.1 Улсын Их Хурал нэг танхимтай, далан зургаан гишүүнтэй байна гэсэн заалттай. ҮҮНИЙГ ӨӨРЧЛӨХИЙГ ЭРС ЭСЭРГҮҮЦЭЖ БАЙНА

Avatar

Нэргүй 2023-04-03 202.126.88.182

2 танхимтай болгох хэрэгтэй. Нэгэнт АНУ дууриадаг тул доото дээд танхимтай болоод тэр улсын сонгуулийн систем мажоритар тогтолцоог шууд хуулвал зүгээр. Тоог эрс нэмээд гишүүд нь АИХ адил зөвхөн хууль баталдаг

Avatar

Нэргүй 2023-04-03 66.244.109.90

АН гэдэг хулгайч, гэмт хэрэгтнүүдийн үүр уурхайг дахин хэзээ ч төрд гаргаж болохгүй шүү. Монголчууд хаширч ухаарах цаг болсондоо.

Avatar

Нэргүй 2023-04-03 43.242.242.59

Гишүүдийн тоог нэмээд юу ч өөрчлөгдөхгүй. Гишүүдэд тавих шаардлагаа өндөр болгох хэрэгтэй. хууль батлах үед гишүүдийг томилолтоор гадаад оронд явуулдаггүй байх нь зөвөө

Avatar

Нэргүй 2023-04-03 192.82.65.9

Олон болвол уг нь парламентийн дархлаа нэмэгдэнэ гэж үздэг. олон хүнийг зэрэг лобби хийх хэцүү. Холимог системээр явбал бодлогын нам буюу тухайн намын бодлого, мөрийн хөтөлбөрийг дэмжиж иргэд саналаа өгдөг систем бий болно гэсэн үг. Гэхдээ мэдээж нэг удаагийн сонгууль биш хэд хэдэн сонгуулийн дараа л ийм юм болно гэж найдаж байна. Олон болсон нь дээр ээ.

Avatar

ganaa 2023-04-03 202.55.191.194

tanhimiin toog 2 bolgochih. demjij bn

Avatar

нэр 2023-04-03 103.136.254.8

Танхимын тоог 2 болгочих. Энэ маш зөв гэж бодож бна

Avatar

Нэргүй 2023-04-03 192.82.80.161

Ганцхан зүйл л хэлье. Өвгөд, дээдэс маань ЗУУН ЯМААНД ЖАРАН УХНА гэж юуг хэлснийг ухаж ойлгооч.

Avatar

Нэргүй 2023-04-03 146.70.109.86

Монгол Улсын Хөдөлмөрийн тухай хуулийн 6, 7, 53, 56 дугаар зүйлийг зөрчдөг, эрх зүйн чадамжгүй “луйврын”сонгуулийн ерөнхийлөгч нэртэй Ухна овогт ХҮРЭЛСҮХ (1968 он) бузар үйлдлүүд, нялуурхман худлаа хөөргөсөн яриагaa зогсоо хөгшин !!!! шагналын тасгийн дарга эмэгтэй Ө.Мөнгөнцэцэг-ийн (9968-8588) (1986) амь нас ЯЛТАН чинийхээс үнэ цэнэтэй, өрөөний хэлхэлдсэн түлхүүр, тамгаа аваад  гавтай нохой шиг дуудахаа болиж үз пиздец ЯЛТАН, уулзалтын туслахаар ажиллуулах өөр ЭМЭГТЭЙ олж ав амьсгаа

ЯЛТАН

Avatar

Нэргүй 2023-04-03 103.212.118.79

ЖДҮ, Хөгжлийн Банк, Нүүрсний хулгай зэрэг том хулгай хийчихээд МАН яаж сонгуульд очиж юу гэж хэлэх гэж байгаа юм бол…хулгайчтайгаа сайн тэмцлээ гэх үү

Avatar

зочин 2023-04-03 202.21.120.66

Хулгайчид хулгайчтай нийлж хүчээ нэгтгэж тоогооөсгөн нэмэгдүүлж байгаа жинхэнэ тонуулаа хийх нь дээ

Avatar

Намжилын Ханой 2023-04-03 59.153.112.97

Улсын Их Хуралд хамгийн мэдлэг чадвартай, ажил, амьдралын арвин туршлагатай, ёс зүйтэй хүн сонгох нь чухал болохоос эр, эм тэнцүүлнэ гэх утгагүй. Ямар эрхтэн сонгож хослуулах гэж байгаа биш… Ойлгох хэрэгтэй…

Avatar

Нэргүй 2023-04-03 192.82.82.33

Заавал тэгш тоотой байлгах гээд бдаг ямар адын шалтгаан бна. 109, 77 гээд тоонууд бхад

Avatar

зочин 2023-04-03 202.21.100.210

МАН гэж нэг нам хулгайч нараасаа салах дургүй, мөнгө л өгчихвөл юу ч хийж чадахаар арчаагүй гэдгээ саяхан ахиад л харуулчихсан

Avatar

Нэргүй 2023-04-03 64.119.17.67

АН гэж нэг нам хулгайч нараасаа салах дургүй, мөнгө л өгчихвөл юу ч хийж чадахаар арчаагүй гэдгээ саяхан ахиад л харуулчихсан

Avatar

Zochin 2023-04-03 66.181.161.243

m.a.n.n daguul nam boljee ardchilsan nam..

NewsMN Гар утасны хувилбар Татах
NEWS.mn

Мэдээллийн эх сурвалж