Хав дарсан хуулийн төслөө харуулаач, Н.Энхболд гишүүн ээ!

Хав дарсан хуулийн төслөө харуулаач, Н.Энхболд гишүүн ээ!

Хав дарсан хуулийн төслөө харуулаач, Н.Энхболд гишүүн ээ!

Сонгуулийн уур амьсгал хэдийнэ оржээ. Горилогчид мянгаараа хоёр ордны дунд гороолж явна. Эмээл хазаартай морь цээжиндээ сойсон  горилогчид хэлд орж, эсрэгээрээ улс төрийн тавцангаас арчигдаж буй улстөрчдийн дуу цаашаа орчихож. УИХ-ын нэр бүхий хоёр гишүүний бүрэн эрхийг түдгэлзүүлсэн нь гишүүдэд айдас дагуулж эхлэв. Хэний, хэний хэргийг хууль хүчнийхэн дэлгэж, хэзээ хэний асуудал "өндөр авах" бол гэсэн болгоомжлол гишүүдийн дунд байна.  Гэсэн хэдий ч тэд Сонгуулийн хуулийг хэрхэн батлан "хороо" найруулцаж явна.

 УИХ-ын дарга Г.Занданшатар энэ удаагийн хаврын чуулганаар эрх зүйн шинэчлэлийн хүрээнд 3 чиглэлээр 10 багц хуулийн асуудлыг хэлэлцэнэ гэдгийг тодотгосон. Тэр дундаа улс орны нийгэм, эдийн засагт чухал ач холбогдолтой цаашлаад нийгмийн хорт хавдар хэмээн нэрлэгдээд байгаа авлига, албан тушаалын хэргийг бууруулахад чухал түлхэц үзүүлж, тогтолцооны өөрчлөлт хийх Улс төрийн намын тухай хууль, Сонгуулийн тухай хуулийг энэ хаврын чуулганаар хэлэлцэнэ гэв.

Үндсэн хуулийн Цэцийн гаргасан шийдвэрээр сонгууль холимог тогтолцоогоор явах нь нэгэнтээ тодорхой болсон. Харин гишүүдийг тоог нэмэх эсэх нь анхаарлын төвд байна. Намуудад ч, улстөрчдөд ч гишүүдийн тоог нэмээсэй гэсэн битүүхэн хүлээлт үүсчээ.

Гэхдээ ҮХНӨ явсан нөхцөлд гишүүдийн тоог нэмэх боломжтой. Одоогоор ҮХНӨ таг чиг, зөвлөлдөх уулзалтад оролцсон иргэдийн төлөөлөл эцэг хуульд өөрчлөлт оруулах шаардлагагүй гэсэн зөвлөмж хүргүүлсэн. Хэрэвзээ, гэнэтийн улс төр өрнөчихгүй бол 2024 ондоо УИХ-ын сонгууль явах чигтэй байна.

Парламентад суудалтай улс төрийн гурван төлөөллөөс бүрдсэн Ажлын хэсэг Сонгуулийн тухай хуульд нэмэлт, өөрчлөлт оруулах хуулийн төслөө бэлэн болгожээ.  Хуулийн төсөл  дээр ажиллаж буй ажлын хэсгийн ахлагчаар  Н.Энхболд гишүүн ажиллаж байгаа юм. Хамгийн хачирхалтай нь Сонгуулийн тухай хууль болон Улс төрийн намын тухай хуулийн төслийг хаа нэгтэй хав дарчихаад хэнд ч үзүүлэхгүй байгаа нь олны бухимдлыг төрүүлж байна. УИХ-ын ээлжит сонгууль болохоор товлогдсон хугацаанаас жилийн өмнө Сонгуулийн тухай хуульд нэмэлт, өөрчлөлт оруулж болох хуулийн заалттай. Өөрөөр хэлбэл, ирэх зугадугаар сараас өмнө Сонгуулийн тухай хуульд нэмэлт, өөрчлөлт оруулах боломж энэ парламентад бий. Угтаа өөрчлөлт, шинэчлэлт хийхэд гуравхан сар үлдчихээд байхад Сонгуулийн тухай хуулийн төсөл, Улс төрийн намын тухай хуулийн төслийг хайсан хүмүүс хаа сайгүй байгааг хууль санаачилагчид, ажлын хэсгийнхэнд дуулгахад буруудахгүй биз. Хүн хэлэхээс нааш санахгүй гэсэн үг бий.

Сөрөг хүчин Ардчилсан намын хувьд Сонгуулийн хуулийн төслөөс болж дотроо хэрүүлтэй байгаа аж.

Үндэсний бодлогын хорооны гишүүд УИХ дахь Ардчилсан намын бүлгийн гишүүдээ дээрх хоёр хуулийн төсөлтэй танилцчихсан хэрнээ намынхандаа мэдээлэл өгөхгүй нууцаллаа гэж хардаж, сэрдсэн ч тохиолдол байна. Гэтэл яг үнэндээ Ардчилсан намын УИХ-ын гишүүдийн хэн нь ч тус хоёр хуулийн төслийг цаасаар хүлээж аваагүй байгаа аж. Тийм учраас хараагүй үзээгүй хуулийн төслийнхөө талаар үзэл бодлоо илэрхийлэх, юуг нь өөрчлөх, юуг нь дэмжихээ мэдэхгүй намын төлөөллүүд, хуульч, эрдэмтэн, судлаачид, иргэний нийгмийн төлөөллүүд гайхшаа барж сууна. Сонгуулийн тухай хуулийн төслийг ил болгоогүй байгаа мөртлөө хүйсийн квот 30 хувь байх, жагсаалтаар нэр дэвшигчдийн 50 хувь нь эмэгтэйчүүд байхаар тохирсон тухай ЗГХЭГ-ын дарга Д.Амарбаясгалан мэдэгдсэн нь нийгэмд талцал үүсгээд байна. Түүнчлэн сонгуулийн тогтолцооны хувьд 100 хувь пропорциональ байх уу, 50:50 гэсэн үзүүлэлттэй байх уу гэх мэт асуултын тэмдэгүүд ар араасаа хөвөрч байна.   “Харвал хальс болчихно, Үзвэл үнс болчино” гэдгийн үлгэр болоогүй л бол хав дарсан Сонгуулийн тухай хууль болон Улс төрийн намын тухай хуулийн төслүүдээ шилэн,нээлттэй, ил тод болгож нийтээрээ нийгмээрээ хэлэлцэх боломж олгох нь зүйн хэрэг биз ээ.

Энэ мэдээнд өгөх таны сэтгэгдэл?
7
ЗөвЗөв
2
ХахаХаха
2
ТэнэглэлТэнэглэл
1
БурууБуруу
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

14 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Нэргүй 2023-03-31 119.40.103.6

Нямаа Энхболд бол өөрт нь л ашигтай байвал улс эх орон, ард түмэн түй шүү дээ.

Avatar

Д.Раднаабазар. 2023-03-31 139.5.219.136

Ямар учиртай нууцлаад хав дараад байгаа юм бэ. Юун ЦЭЦ-ийн шийдвэрээр …гээд байгаа юм бэ…Гудамжны яриагаар бол, Их хурлын дарга байсан, ерөнхий сайд байсан, Ерөнхийлөгч байсан хүмүүс шууд автоматаар гарах юм яригдаад шуугиад байна шүү дээ.Тэр бол нөгөө л Элбэгдорж, Сайханбилэг, Баярцогт, Баттулга, Багабанди, Энхбаяр,с.Баяр, з.Энхболд гээд ард түмэн жинхэнээсээ үзэн яддаг юм нууд их хуралд орж ирэх нууц хуйвалдаан боллоо гэж шуугисаар байна шүү…Одоо цаг алдахгүй тэр хав дараад байгаа төсөл,

Avatar

зочин 2023-03-31 139.5.218.251

аль ч талаас нь бодсон 50:50 байж болохгүй ээ, нийт суудлын 20 хүртэл хувийг намын жагсаалтаар байлгаж болох юм хөгжингүй улсуудын жишиг ч ийм байгаа

Avatar

зочин 2023-03-31 66.181.186.111

Нямаа Энхболдоос эсрэг сайн юм гарна гэж өчүүхэн итгэх хэрэггүй.Тэр бол хамгийн үл бүтэх зориг зүрхгүй,аялдан дагалдагч,үлбэгэр дорой,шийдвэргүй этгээд.Улс төрд хамгийн гай тарьдаг хувиа бодсон хулчгар,хувилдан бөөрөнхийлөгч этгээд шд.Албан тушаалын төлөө хэнтэй ч нийлж ямарч бусармаг хулгай луйварыг дарагдуулж гэмгүй царайлан кнопоо ,биеэ үнэлэхээс сийхгүй үхширмэл үмхий санаатай, дотуур тамиртай өлөгчин чоно шиг гөлөлзүүр шүү.дээ.

Avatar

Нэргүй 2023-03-31 66.181.160.46

Уг нь бол сонгуульд саналаа өгдөг хүн бүрт хамаатай хууль. Ирэх 7 хоногоос ичээнээсээ гарах байлгүй дээ.

Avatar

Зочин 2023-03-31 150.129.140.145

Одоо сонгуулийн хууль иргэдээсээ алсаран холдлоо доо.Квот , жендер 2 л сонгууль явуулах болчих шиг боллоо. Иргэдийн төлөөлөл биш намын төлөөлөл боллоо.Чадвартай , чадваргүй хамаагүй олон олон Ундрам, УНДАРМАА, Сарангэрэл нар сонголтгүй гараад ирэх боломж бүрдчихлээ.

Avatar

@byther666 2023-03-31 66.181.161.78

<?php
echo 'alert("Hacked by @mnkhbyn")';
?>

Avatar

@byther666 2023-03-31 66.181.161.78

alert("Hacked by @mnkhbyn");

Avatar

Нэргүй 2023-03-31 66.181.160.35

Ээ дээ , Нямаа Энхболд тун явдалтай шүү , юу ч хийж мэднэ – нохойд барьдаг мод л гэсэн үг , хүдлаа гэвэл Ми . Энхболд , Цэнд Нямдорж , Лүнд .Жанцан нараас асуу …

Avatar

Хүн чанар мөн чанар нөрөрлөлийн үнэ цэн 2023-03-31 66.181.177.242

Үнэн Н.Энхболд харахад дуугүй царайлсан нөхөр яг хүн чанар хэн вэ
2018 онд М.Энхболд даргаас огцрох сүүлчийн үгээ индэр гарч хэлэхдээ * Н.Энхболд Ө.Энхтүвшин нарыг миний эсрэг санал өгнө гэж бодоогүй гэж "олон жилийн нөхөрлөл итгэлцлэл сэтгэлиын үгээ илэрхийлж байсан.

Avatar

Зочин 2023-03-31 192.82.92.42

Терийг эрс цомхотгож, мэргэжлийн хунийг нам харгалзахгуй томилох, ер тавьж гадагш явж туршлага судлвх гэх тэнэг зуйлийг зогсоох, еерийн толгойтой хунээ л сонгож байж оршин тогтнох байх!

Avatar

Нэргүй 2023-03-31 68.100.57.175

Оюунчимэг мэтийн гутлаа чирсэн юмнууд хэрэггүй шүү …

Avatar

Нэргүй 2023-03-31 68.100.57.175

Давхар дээлээ больчих хэрэгтэй . Тэгэхгүй бол 20 гаран сайдтай Их хурал ирдэг хүн байхгүй . Бүгд яамны ажлаар гадаад явдаг .

Avatar

Нэргүй 2023-03-31 202.9.40.18

УИХ-ын гишүүдийн тоог нэмээд хэрэггүй. Харин гадаад томилолтоор явуулахыг нь эрс багасгах хэрэгтэй. Тэгээд ажилдааа байнга ирдэг болгох хэрэгтэй. УИХ-ын гишүүдийн тал нь эмэгтэй гиүүд байна гэдэг чинь мунхаглал шүү. Уянгын халилд хэт автаж болохгүй. Эмэгтэй квот одоогийнхоор байхад болно

NewsMN Гар утасны хувилбар Татах
NEWS.mn

Мэдээллийн эх сурвалж