Монголын залуу эрдэмтдийн холбооноос дижитал эриний шинэ бүхнийг эрэлхийлэгч, шилдэг залуу судлаач, эрдэмтдийнхээ дунд уламжлал болгон зангиагүй уулзалтыг 2017 оноос хойш тав дахь жилдээ зохион байгуулах гэж байна.

Энэ удаагийн зангиагүй уулзалтыг EXPLORE and CREATE уриан дор залуу эрдэмтэн судлаачдад өөрсдийн судалгааны ажил, шинэ санаа болон инновацийн бүтээлүүдийг хэрхэн асуудал шийдвэрлэх шийдэл болгон хувиргах буюу бизнес болгох тухай энтрепренерийн сэтгэлгээ болон нэтвөркинг хөгжүүлэх зорилгоор зохион байгуулж байгаа гэдгээрээ онцлог юм.

Тус арга хэмжээнд чимэг нэмж, Монгол Улсын шинжлэх ухааны академи болон Дэлхийн гуравдагч орнуудын шинжлэх ухааны академийн Шилдэг эрдэмтэн, академич, шинжлэх ухааны доктор (Sc.D) Ж.Тэмүүжин болон Монголын үндэсний маркетингийн холбоо ТББ болон "Стартап Маркетинг Спэйс" ХХК-н үүсгэн байгуулагч, ТУЗ-н дарга, Мэдээлэл технологийн үндэсний паркийн захирал Ж.Золзаяа нар хүндэт илтгэгчээр уригдаад байна.

EXPLORE and CREATE зангиагүй уулзалтыг Олон улсад ахисан түвшинд магадлан итгэмжлэгдсэн монголын цорын гарц дижитал энтрепренер их сургууль Санхүү эдийн засгийн их сургууль болон Монос группын гарааны бизнес, төсөл хөтөлбөрүүдийг хөгжүүлэгч Inno HUB хамтран зохион байгуулж байна.

ХЭЗЭЭ: 2023 оны гуравдугаар сарын 25-ны 17:00-20:00 цагт

ХААНА: СЭЗИС-н С байр, 4 давхар, хурлын зааланд

Дэлгэрэнгүй мэдээллийг 80991878 дугаар болон Монголын залуу эрдэмтийн холбооны албан ёсны хуудас Mongolian Young Scientist’s Association /https://www.facebook.com/www.mysa.mn/-с авна уу.