Токиогийн Такадаобаба нэртэй хорооллыг рамены тулааны талбар гэж нэрлэх нь бий. Тус хороололд Васэда их сургуулиас эхлээд хэд хэдэн сургууль байдаг тул ресторанууд нь оуютнуудаар дүүрэн байдаг аж. Рамен идэх гэсэн хүмүүс хамгийн ихээр төвлөрдөг газар учраас ресторанууд хоорондын өрсөлдөөн ширүүн байдаг.

Тэгвэл саяхан тус хорооллын Дебу-чан нэртэй ресторан нэгэн шинэ дүрэм баталжээ. Энэ нь үйлчлүүлэгчдийг хоол идэж байхдаа утсаараа “Youtube” үзэхийг хориглосон дүрэм юм.

Энэ шийдвэрийг гаргахад хоёр хүчин зүйл нөлөөлсөн. Нэгдүгээрт, үйлчлүүлэгчид хоолноос илүү утсандаа анхаарал хандуулснаар гоймонгоо халуун дээр нь идэж чадахгүй байна. Хоёрдугаарт, сэтгэлээ зориулж хийсэн рамен нүднийх нь өмнө нялбайж байгааг харах ресторан эзэмшигчид таагүй байжээ. Түүнчлэн, ресторан байнга хүлээлгэ ихтэй байдаг тул үйлчлүүлэгчид аль болох хурдан хоолоо идээд гарах нь чухал юм.

Дебу-чан рестораны шийдвэр Японы соёлын үнэт зүйлс болон нийгмийн хэм хэмжээг хөндсөн. Япон улс нь аливаа хоол хүнс болон тогоочид тун хүндэтгэлтэй ханддаг. Түүнчлэн хоолны газарт хүлээлгэ ихтэй үед бушуухан суудлаа суллаж өгөх нь япон соёлын нэг яах аргагүй мөн.

Хүмүүс энэ шийдвэрийг янз бүрээр хүлээж авчээ. Зарим хүн үүнийг алга ташин хүлээж авсан бол зарим нь Дебу-чаныг эрх мэдлээ хэтрүүлсэн гэсэн байна.

Эх сурвалж: JAPAN TODAY