Ээлтэй Энэтхэгийн рингнээс ДАШТ-ий дахин хоёр медаль хүртлээ

Хуучирсан мэдээ: 2023.03.23-нд нийтлэгдсэн

Ээлтэй Энэтхэгийн рингнээс ДАШТ-ий дахин хоёр медаль хүртлээ

Ээлтэй Энэтхэгийн рингнээс ДАШТ-ий дахин хоёр медаль хүртлээ

Сонирхогчдын боксын эмэгтэйчүүдийн ДАШТ Энэтхэгийн Шинэ Дели хотод үргэлжилж байна. 2.4 сая ам.долларын шагналын сантай тус тэмцээний долоо дахь өдрийн тулаанууд өчигдөр/2023.03.22/ боллоо.

Энэ өдөр Азийн аваргын хүрэл медальт Л.Алтанцэцэг 48 кг-ын хагас шигшээд Узбекистаны Фарзона Фозиловатай учраа таарч өрсөлдөгчөө 5:0-ээр буулган авч хүрэл медалийн болзол хангалаа. Өдгөө 28 настай тэрбээр ийнхүү ДАШТ-д тав дахь удаагаа оролцож, дэлхийн медальтан болсон бөгөөд өнөөдөр хагас шигшээд Мароккогийн Ясмин Моуттаки, Болгарын Юлианова Асенова нарын ялсантай нь тоглоно.

Мөн 54 кг-ын жинд М.Энхжаргал хагас шигшээд Италийн Олена Савчуктай учраа таарч, өрсөлдөгчөө 5:0 гэсэн харьцаатай дийлжээ. Ийнхүү Л.Алтанцэцэг болон М.Энхжаргал нар Монголын эмэгтэй боксчдоос дэлхийн медальтан болж буй хоёр, гурав дахь тамирчин болж байна. Тэднээс өмнө гавьяат тамирчин М.Нандинцэцэг 2018 онд мөн л Шинэ Делигийн рингнээс анхны медалийг авчирч байсан юм.

 

Энэ мэдээнд өгөх таны сэтгэгдэл?
15
ЗөвЗөв
1
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж