Сураггүй болсон тайвань цэрэг Хятадаас олджээ

Хуучирсан мэдээ: 2023.03.14-нд нийтлэгдсэн

Сураггүй болсон тайвань цэрэг Хятадаас олджээ

Сураггүй болсон тайвань цэрэг Хятадаас олджээ

Хятадын эргийн ойролцоо өнгөрсөн долоо хоногт сураггүй болсон тайвань цэрэг эх газрын Хятадаас олджээ. Хятад, Тайванийн хооронд хурцадмал байдалтай байгаа энэ үед уг асуудал улам нэрмээс болох магадлалтай байна. Чен овогтой тус цэргийг Эрдан арал дээр сураггүй болсон гэж Тайванийн Батлан хамгаалах яам Пүрэв гаригт мэдэгдээд, түүнийг олох тусгай ажлын хэсэг байгуулжээ.

Эрдан нь Хятадын зүүн өмнөд Фүжянь муж дахь Шиамэнь хотоос таван км орчим зайд орших арал юм. Энэ нь Тайванийн хяналтад байдаг Кинмэний арлуудын нэг хэсэг юм.

Тайванийн армиас Хятад руу дүрвэх тохиолдол 1949-1989 оны хооронд 20 удаа гарч байжээ. Энэ төрлийн дүрвэгчдийг суртал ухуулгын ялалт гэж үздэг бөгөөд заримдаа тэднийг шагнадаг аж. Тухайлбал, 1981 онд Тайванийн Агаарын цэргийн хүчний хошууч Хятад руу АНУ-д үйлдвэрлэсэн тагунулын онгоцоор дүрвэж байсан. Тус хошуучийг Хятад улс 370 мянган ам.доллараар шагнасан нь тухайн үеийн Хятадын Ардын чөлөөлөх армийн хувьд тун их мөнгө байсан юм. Дүрвэгчид Хятад, Кинмэн хоёрын хооронд ихэвчлэн сэлдэг бөгөөд хоорондын зай нь хоёр км орчим байдаг. Тайванийн Хуурай замын цэргийн ахмад, ротын командлагч Жастин Лин 1979 онд яг энэ замаар Хятад руу дүрвэж байжээ. Тэрбээр Бээжинд очсон хойноо нэр хүндтэй сургуульд сурч, өндөр зэрэглэлийн эдийн засагч болсон.

Эх сурвалж: CNN

Энэ мэдээнд өгөх таны сэтгэгдэл?
3
ХахаХаха
2
ГайхмаарГайхмаар
1
ТэнэглэлТэнэглэл
1
БурууБуруу
0
ЗөвЗөв
0
ХөөрхөнХөөрхөн
0
ХарамсалтайХарамсалтай
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж