Туо Чинмин нь Сичуань мужийн Яань хотын дунд сургуулийн эрхлэгчээр ажилладаг юм. Тэрбээр элсэлтийн ерөнхий шалгалтад англи хэл хэтэрхий их жин дарж байгааг шүүмжилжээ. Тус улсад элсэлтийн ерөнхий шалгалтыг хятад, англи хэл, математик гэсэн  гурван хичээлээр заавал авдаг байна. Харин шинжлэх ухаан, урлагийн чиглэлээр суралцах бол нэмэлт хичээлээр элсэлтийн ерөнхий шалгалт өгдөг аж. Дээрх гурван хичээлийн оноо тус бүр нь 150 байдаг бөгөөд англи хэлэндээ 100 оноо авахад л нийт оноо нь буурдаг гэдгийг Туо Чинмин онцолсон байна.

Үүний зэрэгцээ орон нутагт англи хэлийг заах боловсон хүчин дутмаг байдгаас хөдөөгийн сурагчид хотынхны ард хоцрогдож, тэгш бус байдалд элсэлтийн ерөнхий шалгалт өгч байгааг сануулжээ.

Ши Жиньпин 2012 онд Хятадын дарга болсноос хойш боловсролын чиглэлээр шинэчлэлт хийж, гадаад хэл тэр дундаа англи хэлний ач холбогдлыг бууруулж, эсрэгээрээ мандарин хэлийг онцлох болсон юм. Тухайлбал, 2013 онд Бээжин хотын боловсролын газраас англи хэлний элсэлтийн ерөнхий шалгалтын оноог 150-100 болгож бууруулаад хятад хэлнийхийг 150-180 болгож нэмэх санал гаргаж байв. Гэвч уг төлөвлөгөөг хэрэгжүүлээгүй юм.