Завхан аймгийн Тосонцэнгэл сумын 100 жилийн ойд зориулсан, Санжмятавын Шагж аваргын нэрэмжит улс аймгийн алдар цолтой 256 бөхийн барилдаанд Сэлэнгэ аймгийн Цагааннуур сумын харьяат, улсын арслан Б.Орхонбаяр түрүүлж, Ховд аймгийн Зэрэг сумын харьяат, Ховд дэвжээний бөх, улсын заан Б.Бат-Өлзий үзүүрлэлээ.

Их шөвөгт Өмнөговь аймгийн Ханхонгор сумын харьяат, улсын заан Ц.Одбаяр, Өвөрхангай аймгийн Төгрөг сумын харьяат, улсын харцага Ц.Бямба-Отгон нар шалгарлаа. Харин дунд шөвгийн наймд улсын харцага Л.Лха-Очир, улсын начин Д.Цэрэнтогтох, аймгийн арслан Ч.Мөнхтогтох, А.Нармандах нар үлдэв.

Тус барилдааны үеэр Завхан аймгийн Тосонцэнгэл сумын нутгийн зөвлөл, ЗДТГ-аас МҮБХ-нд С.Шагж аваргын зурмал хөргийг дурсгал болгон хадгалуулсан бол МҮБХ-ноос С.Шагж аваргын улсын наадамд үзүүлсэн амжилтыг батламжилсан батламжийг тус сумын хамт олонд гардуулсан юм. Мөн энэ өдрийн барилдаанд хүрэлцэн ирсэн болон барилдсан бүх аваргуудад хүндэтгэл үзүүлэв.

Өнөөдөр/2023.03.12/ Өмнөговь аймгийн Манлай сумын харьяат, Улсын арслан Гомбо-Аюушийн Дэмүүлийн нэрэмжит улс аймгийн алдар цолтой 256 бөхийн барилдаантай.