Дэлхийн хамгийн залуу бөгөөд догь ерөнхий сайдаар нэрлэгдэж байсан Санна Марин өчигдөр /2023.03.10/ Украинд айлчилжээ. Украины ерөнхийлөгч Владимир Зеленский, Финландын ерөнхий сайд Санна Марин нар батлан ​​хамгаалах, аюулгүй байдлын асуудал, Украиныг сэргээх, ОХУ-ын эсрэг хориг арга хэмжээ авах, хариуцлага тооцох болон энх тайвны талаар ярилцав.

"Өнөөдрийн хэлэлцээний гол сэдэв бол батлан ​​хамгаалах, аюулгүй байдлын асуудал байсан. Энэ бол нэн тэргүүний асуудал. Финланд улс бидэнд батлан ​​хамгаалахын багц дэмжлэг үзүүлсэнд талархаж байна. Дэмжлэгийг цаашид ч үргэлжлүүлнэ гэдэгт итгэлтэй байна" гэж Зеленский хамтарсан хэвлэлийн бага хурлын үеэр хэлэв.

Мөн талууд ОХУ-ын эсрэг хориг арга хэмжээний бодлого, Оросын гэмт хэрэгтнүүдэд хариуцлага хүлээлгэх асуудал, Украины сэргээн босголт, энх тайвны хэлэлцээг хэрэгжүүлэх талаар хэлэлцсэн байна. Түүнчлэн, Украины Европын холбоо болон НАТО-д хүрэх замыг дэмжсэн Финландын түншүүдэд талархал илэрхийлэв. Украин, Финланд хоёр найрсаг, түншлэлийн харилцаатай гэдгийг Зеленский онцоллоо.

Эх сурвалж: UKRINFORM