Сүхбаатар аймгийн Баяндэлгэр сумын харьяат, Улсын начин Цэндээгийн Анхбаярын нэрэмжит аймаг, цэргийн цолтой болон залуу 256 бөхийн барилдаанд Увс аймгийн Тэс сумын харьяат, аймгийн арслан Б.Өсөхбаяр түрүүлж, Ховд аймгийн Чандмань сумын харьяат, аймгийн начин У.Батцоож үзүүрлэв.

Их шөвгийн дөрөвт Сэлэнгэ аймгийн Хүдэр сумын харьяат, аймгийн хурц арслан Д.Төрболд, Завхан аймгийн Идэр сумын харьяат, аймгийн арслан А.Нармандах нар шалгарлаа. Дунд шөвгийн наймд аймгийн хурц арслан С.Сүхбат, аймгийн арслан М.Бямбадорж, Н.Намнансүрэн, Э.Мөнх-Эрдэнэ нар үлдэв.

Өнөөдөр 14:00 цагаас Төв аймаг байгуулагдсаны түүхт 100 жилийн ойд зориулсан “Дүнжингаравын аваргуудаа алдаршуулах” улс, аймгийн алдар цолтой хүчит 256 бөхийн барилдаантай.