Цар тахлын хуулиар чөлөөлөгдсөн төрийн нарийн бичгийн дарга (ТНБД) нарыг орны хүмүүсийг өдгөөг хүртэл томилоогүй байна. Эрчим хүчний яам, Цахим хөгжлийн яам сонгон шалгаруулалтын хүсэлтээ Төрийн албаны зөвлөл (ТАЗ)-д өгсөн гэх мэдээлэл бий. Гэвч ТАЗ-ийн албан ёсны сайтад сонгон шалгаруулалтын зар тавигдаагүй байна. Сонгон шалгаруулах хүсэлтийг ЗГХЭГ-аас ТАЗ-д өгнө. Угтаа бол хуулийн хугацаа нь 14 хоног байдаг хэдий ч Засгийн газраас уг асуудлыг алгуурлаж байгаа бололтой.

ТНБД нарын томилгоог ирэх сарын дундуур хийх төлөвлөгөөтэй байгаа аж. Одоогоор чөлөөлөгдсөн зургаан яамны ТНБД-ын үүрэг гүйцэтгэгчийг салбарын сайд нь газрын дарга нараасаа түр хугацаанд томилж ажиллуулахаар зохицуулжээ.

Одоогийн байдлаар ТАЗ-д сонгон шалгаруулалтын захиалга ирүүлсэн газруудыг дурдвал:

• Боловсролын ерөнхий газар
• Гэр бүл, хүүхэд залуучуудын хөгжлийн газар
• Хөгжлийн бэрхшээлтэй хүний хөгжлийн ерөнхий газар
• Хөдөлмөр, халамжийн үйлчилгээний ерөнхий газар
• Мал эмнэлгийн ерөнхий газар
• Иргэний нисэхийн ерөнхий газар
• Усны газар
• Ойн газар
• Хүний эрхийн үндэсний комисс
• Засгийн газрын хяналт хэрэгжүүлэх газар
• Сонгуулийн ерөнхий хороо
• Төрийн худалдан авах ажиллагааны газар

Ажлаас чөлөөлөгдсөн төрийн нарийн бичгийн дарга, агентлагийн дарга нарыг танилцуулъя.

Төрийн нарийн бичгийн дарга нар:

• Эдийн засаг, хөгжлийн яамны төрийн нарийн бичгийн дарга Х.Батжаргал,
• Соёлын яамны төрийн нарийн бичгийн дарга С.Оюунбилэг,
• Уул уурхай, хүнд үйлдвэрийн яамны төрийн нарийн бичгийн дарга Б.Бямбадагва,
• Цахим хөгжил, харилцаа холбооны яамны төрийн нарийн бичгийн дарга Ч.Золбаяр,
• Эрчим хүчний яамны төрийн нарийн бичгийн дарга Н.Тавинбэх,
• Эрүүл мэндийн яамны төрийн нарийн бичгийн дарга Ц.Эрдэмбилэг.

Засгийн газрын агентлагийн дарга нар:

• Төрийн тусгай хамгаалалтын газрын дарга Л.Алтангэрэл,
• Биеийн тамир, спортын улсын хорооны дарга Д.Жаргалсайхан,
• Шударга өрсөлдөөн, хэрэглэгчийн төлөө газрын дарга С.Мөнхчулуун,
• Стандарт, хэмжил зүйн газрын дарга Б.Билгүүн,
• Төрийн худалдан авах ажиллагааны газрын дарга Ц.Батзул,
• Ойн газрын дарга Б.Оюунсанаа,
• Хөдөлмөр, халамжийн үйлчилгээний ерөнхий газрын дарга Л.Дашдэмбэрэл,
• Хөгжлийн бэрхшээлтэй хүний хөгжлийн ерөнхий газрын дарга И.Даваадорж,
• Гэр бүл, хүүхэд, залуучуудын газрын дарга Г.Батдорж,
• Газар зохион байгуулалт, геодези, зураг зүйн газрын дарга А.Энхманлай,
• Боловсролын ерөнхий газрын дарга Т.Ням-Очир,
• Иргэний нисэхийн ерөнхий газрын дарга С.Мөнхнасан,
• Соёл, урлагийн газрын дарга Н.Мөнхзул,
• Ашигт малтмал, газрын тосны газрын дарга Л.Баярмандал,
• Үндэсний геологийн албаны дарга О.Чулуун,
• Мал эмнэлгийн ерөнхий газрын дарга Д.Батчулуун,
• Эм, эмнэлгийн хэрэгслийн хяналт, зохицуулалтын газрын дарга Д.Нарантуяа