Боловсрол, шинжлэх ухааны яамнаас цагаан сарыг тохиолдуулан хичээл сургалтын үйл ажиллагаанд дараах зохицуулалтыг хийхээр шийдвэрлэсэн. Сургуулийн өмнөх боловсролын байгууллага, ерөнхий боловсролын сургуулийн сурагчид ирэх долоо хоног буюу хоёрдугаар сарын 20-24-ний өдрүүдэд амарсан.

Тодруулбал, хоёрдугаар сарын 20-ны өдрийн хичээлийг энэ Бямба гаригт буюу 18-ны өдөр нөхөж орно.

Харин хоёрдугаар сарын 24-ний Баасан гаригийн хичээлийг дараагийн долоо хоногийнх нь Бямба гариг буюу гуравдугаар сарын 4-ний өдөрт шилжүүлсэн.

Мэргэжлийн боловсрол, сургалтын байгууллага болон их дээд сургуулиуд энэ сарын 20, 24-ний хоёр өдрийн хичээлийг цахимаар зохион байгуулна. Дадлагын буюу лабораторийн хичээлийг гуравдугаар сард тухайн сургуулиуд зохион байгуулалт хийж нөхөхөөр шийдвэрлэсэн юм.