Москвад хоёрдугаар сарын 22-нд болсон ОХУ-ын Ерөнхийлөгч Владимир Путины суртал ухуулгын тоглолтод хоёр украин хүүхдийг оролцуулсан талаар Оросын хараат бус хэвлэл мэдээллийн "Чухал түүх" мэдээлжээ. Эгч дүү хоёр дайны эхэн үед Мариуполь хотод Оросын бөмбөгдөлтийн улмаас ээжийгээ алдсан аж. Тэдний нэг болох 15 настай Анна Науменко Оросын тулаанч Юрий Гагаринд тэднийг Мариуполь хотоос "аварсаных нь" төлөө талархал илэрхийлжээ.

Гагариныг 2022 оны эхний хагаст Оросын бөмбөгдөлтөд бараг бүрэн устгасан Мариуполь хотоос 367 хүүхдийг "аварсан" гэж тоглолтод танилцуулсан аж.

Украин охидын гэр бүл эхлээд Мариуполь хотын соёлын төвд, дараа нь захиргааны байранд Оросын бөмбөгдөлтөөс нуугдаж байсан гэж хэвлэл мэдээллийн хэрэгслээр мэдээлжээ. Ээж Ольга нь өнгөрсөн оны дөрөвдүгээр сард алагдсан аж.

Украины засгийн газрын "Дайны хүүхдүүд" вэб сайтад 2022 оны хоёрдугаар сарын 24-нд Оросын бүрэн хэмжээний түрэмгийлэл эхэлснээс хойш 16 мянган украин хүүхэд ОХУ руу хулгайлагдсан гэж тооцоолжээ.

ЭХ СУРВАЛЖ: KYIV INDEPENDENT