Хан-Уул дүүрэг, "Буянт Ухаа-2" хороолол, Шинэ яармаг хорооллын иргэдийн зорчих эрэлтэд тулгуурлан үйлчилгээний хүртээмжийг нэмэгдүүлэх зорилгоор 2023 оны хоёрдугаар сарын 21-ний өдрөөс эхлэн Ч:75 “Шинэ яармаг – Сонсголон -Таван шар“ чиглэл нь иргэддээ үйлчлэхэд бэлэн болжээ.

Нийтийн тээврийн газрын мэдэгдэлд "Иймд иргэд та бүхэн доорх зураглалын дагуу зорчино уу. Чиглэлийн үйлчилгээтэй холбоотой санал хүсэлтийг 70044040 дугаарын утсанд 24 цагийн турш хүлээн авч шуурхай шийдвэрлэнэ" гэжээ.

Сар шинийн баярын өдрүүдэд нийтийн тээврийн хэрэгсэл энгийн цагийн хуваарийн дагуу буюу 07:00-22:00 хооронд иргэд, олон нийтэд үйлчилнэ. Нийслэлийн хэмжээнд 106 чиглэлд 723 автобус зорчиж байна.