Өмнөд Солонгос төдийгүй Ази даяар өргөнөөр хэрэглэх болсон кимчи буюу даршилсан байцаа нь 2023 оны 10 супер хүнсний нэгээр шалгарчээ. Хоол тэжээлийн 757 мэргэжилтний хийсэн хүний биед өндөр шим тэжээлтэй хүнсний бүтээгдэхүүний судалгаагаар кимчинээс гадна бусад исгэж хийсэн бүтээгдэхүүн шалгарсан. Үүнд йогурт, дарсан ногоонууд мөн комбуча цай багтсан байна. Мөн үр, жимс, авокадо, самар, навчит ногоонууд, усны ногоонууд, ногоон цай, эртний үр тариа болон амьтны гаралтай бус сүү нь хүний биед өндөр шим тэжээлтэй гэдгийг олж тогтоожээ. 

Дархлааны тогтолцоо, гэдэсний эрүүл мэндийг дэмжсэн бүтээгдэхүүнийг хэрэглэгчид илүү сайн судалж мэдэх болсныг хоол тэжээлийн мэргэжилтнүүд сайшаасан ч инфляциас болоод хүнсний чанарт бус үнэ хямдад татагдах болсныг ч анхааруулсан байна.