Баяр дөхөхөд үнэ нэмдэг худалдаачдад хариуцлага тооцъё! | News.MN

Баяр дөхөхөд үнэ нэмдэг худалдаачдад хариуцлага тооцъё!

Баяр дөхөхөд үнэ нэмдэг худалдаачдад хариуцлага тооцъё!

Баяр дөхөхөд үнэ нэмдэг худалдаачдад хариуцлага тооцъё!

Монголд бичигдээгүй олон "уламжлал" байдгийн нэг жишээ бол баяр дагасан зохиомол үнэ хөөрөгдөл. Эдийн засаг хүнд, иргэдийн амьдралд цалин орлого нь хүрэлцэхгүй байгаа ч монголчууд баярыг өргөн хүрээнд тэмдэглэдэг. Энэ нь гэм биш зан. Гэвч энэ байдлыг худалдаа эрхлэгчид овжноор ашиглаж эрэлт сайтай бүтээгдэхүүний үнийг хэд нугалж нэмдэг. Үүнд иргэд ч дассан учир худалдаачдын хэлж байгаа үнээр авахаас өөр сонголтгүй. Учир нь нэг зах худалдааны төвд байгаа бүх лангууны үнэ ижил байдаг билээ. Хамгийн сүүлийн жишээ бол “Хүчит шонхор” захын гадна талбайд ууц, өвчүү зарж буй худалдаачид махны үнийг дур мэдэн нэмсэн асуудал.

Шударга өрсөлдөөн, хэрэглэгчийн төлөө газраас цагаан сарын баярыг угтан “Хүчит шонхор” захын хонины ууцны худалдаа эрхлэгчдийн үйл ажиллагаанд хяналт шалгалт хийж, зарим худалдаа эрхлэгчдэд мөнгөн торгуулийн арга хэмжээ авчээ.

Тодруулбал, хонины ууцны худалдаа эрхлэгчид хэрэглэгчдийн эрэлтийг далимдуулан ууцны хэмжээ, хэмжих нэгж болон түүнд хамаарах үнийн талаар хэрэглэгчид худал мэдээлэл буюу бодит байдлаас зөрүүтэй мэдээлэл түгээх замаар үнийг хөөрөгдөн худалдаалсан байна. Тиймээс 500 мянган төгрөгөөр торгожээ. Гэхдээ энэ бол ганцхан жишээ. Ууцнаас гадна баяр угтсан үнийн хөөрөгдөл хүнсний өргөн хэрэглээний бүх бүтээгдэхүүнд гардаг. Тиймээс иргэд жилд тоотой хэд болдог баяруудыг угтаж үнэ нэмдэг байдлаа халахыг хүсч байна.

Үйлдвэрлэгч болоод импортлогч харилцагчид нь үнээ нэмээгүй байхад худалдагчид дур мэдэн лангууны үнээ өсгөж байгаа бол үүнд Зөрчлийн хууль үйлчлэх ёстой.

Уут, савлагаатай бүтээгдэхүүн болон жижиглэнгээр худалдаалдаг аль нь ч бай үнийг  худалдаа эрхлэгч шалтгаангүй бол түүнд тооцох хариуцлагыг чангатгах хэрэгтэйг иргэд илэрхийлж буй. Уг нь хуулийн зүйл заалтад энэ тохиолдлыг тусгасан байдаг ч албаныхан тэр хяналт тавьж торгууль тооцох нь ховор. Тиймээс иргэд өөрсдөө зохиомлоор үнэ нэмсэн асуудлаар ШӨХТГ-т хандах боломжтой.

ҮНЭ ЗОХИОМЛООР НЭМСЭН БОЛ 500 МЯНГААС ТАВАН САЯАР ТОРГОНО

Зөрчлийн тухай хууль болон Хэрэглэгчийн эрхийг хамгаалах тухай хуулиар зохиомлоор үнэ нэмсэн этгээдэд хариуцлага тоох заалттай. Үүнд:

  • Хэрэглэгчийн эрхийг хамгаалах тухай хуулийн 7 дугаар зүйлийн 7.2-т “… барааныхаа талаар хэрэглэгчид дор дурдсан мэдээлэл өгнө” гэж, 7.2.4-т “барааны нэр төрөл, үнэ” гэж, 7.2.5-т “барааны хэмжээ, хэмжих нэгж”,
  • Зөрчлийн тухай хуулийн 10.2 дугаар зүйлийн 2-т “Үйлдвэрлэгч, худалдагч, гүйцэтгэгчийн үүргээ хэрэгжүүлээгүй бол хүнийг 500 нэгжтэй тэнцэх хэмжээний /500 мянган төгрөг/ төгрөгөөр, хуулийн этгээдийг таван мянган нэгжтэй тэнцэх хэмжээний /5 сая төгрөг/ төгрөгөөр торгоно” гэж тус тус заасан байдаг.

Тиймээс албаныхан хариуцлага тооцоогүй байлаа гэхэд иргэд худалдаа эрхлэгчдээс шаардах бүрэн эрхтэй. Харин худалдаа эрхлэгчид тухайн иргэний санал хүсэлтийг хүлээж аваагүй тохиолдолд холбогдох байгууллагад зах, худалдааны төвийн нэр, лангууны дугаар, бүтээгдэхүүний үнийн мэдээллийг нээлттэй мэдээлэх боломжтой байна. Ингэснээр хуулийн дагуу хариуцлага тооцох юм. Жижиглэнгийн худалдаа эрхлэгч болон нэмэгдсэн өртгийн албан татвар /НӨАТ/-ын баримт өгөөгүй тохиолдолд мөн барааны үнэтэй холбоотой гомдол саналыг гаргах эрхтэй аж.

Энэ мэдээнд өгөх таны сэтгэгдэл?
8
ЗөвЗөв
3
ТэнэглэлТэнэглэл
2
ХахаХаха
1
ХарамсалтайХарамсалтай
0
ХөөрхөнХөөрхөн
0
ГайхмаарГайхмаар
0
БурууБуруу
Баярлалаа!

Холбоотой мэдээ

14 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2023-02-16 66.181.160.22

үнэ хөөрөгддөг худалдаачдыг шалгах хариуцлага тооцохоос гадна үйл ажиллагаа явуулах эрхийг нь хориглох хэрэгтэй ер нь бол амандаа орсон үнэ хэлнэ барааны үнийг бичиж тавихгүй дураараа гарууд л байдаг энэ луйварын байдлыг таслан зогсоох цаг нь аль эрт болчихсон байгаа шүү

Avatar

Зочин 2023-02-16 176.54.206.241

Шударга өрсөлдөөнийхөн энэ өдрүүдэд жинхэнээсээ ажиллах хэрэгтэй.Машин угаагчид хүртэл үнээ маш их нэмдэг шүү. Гадаадад бол харин эсрэгээрээ үнээ бууруулдаг ш дээ.

Avatar

Зочин 2023-02-16 122.201.22.6

Энэ сэтгүүлчийг үндсэн хууль зөрчсөнөөр шүүхэд өгөх хэрэгтэй. Өнөөдөр танай сайтанд реклам байршуулах төлбөр яагаад миний тасархаймэдээ.мн-ийхээс өндөр үнэтэй байгаа вэ? Эрэлтээс шалтгаалж байгаа юм. Хэрэв эрэлтэд тулгуурласан үнийн өөрчлөлтөнд хариуцлага тооцох ёстой бол чи эхлээд хариуцлагаа хүлээ. Хэрэв барааны үнийг хэрэглэгч тодорхойлдог юм бол би танай сайтын хамгийн сайн талбарт өөрийн сайтын рекламаа бүтэн жилийн турш 10000 төгрөгөөр байрлуулъя. За яахав,

Avatar

Зочин 2023-02-16 202.131.238.26

Өөрсдөө авахаа л болчих л доо. Хэн ч авахгүй бол Битүүний өдөр гэхэд л наад үнэтэй ууц чинь хэнд ч хэрэггүй болно ш дээ.

Avatar

Зочин 2023-02-16 103.9.90.100

зөв шүү. арай л дэндүү их үнэ нэмж байна. санал хүсэлтийн дэвтэр гаргачихвал иргэд дор дор нь бичээд өгчихнө дөө. ШӨХТГ ажиллах хэрэтэй

Avatar

Зочин 2023-02-16 59.153.113.99

yvaandaa uuts tavihaa bolih bhoo zugeer saihan chanasan mah bahd bolnoooo

Avatar

Зочин 2023-02-16 192.82.69.130

С.Ундармаа нэг юм ойлгохгүй байгаа бололтой.Зах зээлтэйгээ ноцолдоод 1990 оныг шиг картын бараанд орно шүү.Худалдаачид наймаачинд байгаа юм биш ээ.Зах зээл эрэлт нийлүүлэлтэд байдаг юм аа.Ганц нэг өдөр нөхдөөс болж бүх бизнес эрхлэгчдийг харлуулж болохгүй шүү.

Avatar

Зочин 2023-02-16 202.131.245.34

барааг нь авахгүй л бай л даа. зах зээл өөрөө үнийг нь тогтоогоод өгнө

Avatar

Зочин 2023-02-16 202.21.117.178

ЗҮЙ НЬ ҮНЭ БУУЖ БАЙХ УЧИРТАЙ

Avatar

Зочин 2023-02-16 202.9.46.3

Зах зээлийн нийгэмд төрж өссөн дөнгөж хорин хэдтэй хүүхдүүд ийм эргүү юм бичээд суух гэж дээ. Ээж аав, эмээ өвөөгийнхөө үгээр бичээд байна уу? Ойлгох ухаан хайрла! Монгол капитализмд ороод 30 жил болсон. Үнэ зах зээлийн хуулиар тогтоно. Хэт үнэтэй бол та наадхаа авах албагүй, угаасаа авч ч чадахгүй. Тэгээд зарагдахгүй бол үнэ нь бууна. Хариуцлага тооц ч гэх шиг…

Avatar

Иргэн 2023-02-16 202.126.90.100

Ааяааяаа, зах зээлийн системд шилжээд 20, 30 жил болсоноо одоо хүртэл ойлгодоггүйээ…

Avatar

ard tumen hetsuudle 2023-02-16 202.55.188.93

ene muu heden ahunaltai malchidiig toroos harj uzehee bolih heregtei. hyataduudaas iluu shunaltai. ene ahudarga orsoldoonii gazar ni buur ajlaa hiihee baijee

Avatar

Зочин 2023-02-16 180.149.65.2

за солиорч өгөх юи аа хэн юугаа хэдээр зарах нь хэнд ч хамаагүй

Avatar

Зочин 2023-02-16 103.136.254.8

Ууц авахаа л байчилдаа. ӨВөө эмээ нар минь Үнэтэй вм битий ав. Хэдэн банш бууз өгөөд л гаргалдаа. Ууцыг ямар хүмүүс авдаг вэ судалгаагаар хөдөөнөөс хот руу орж ирсэн 5-10 жил болсон хүмүүс авдаг юм бна. Зээл тавин бж ууц авахаа л болчих битий ав.
Ууц чандгүй монгол аян эхлүүлье.

NewsMN Гар утасны хувилбар Татах
NEWS.mn

Мэдээллийн эх сурвалж