Монгол Улс олон улсын иргэний нисэхийн байгууллагын ИКАО нийтийн түлхүүрийн санд гишүүн орноор элсэн орсноор олон улсн стандартад нийцсэн, өндөр нууцлал бүхий цахим гадаад паспортыг Монгол Улсын иргэд ашиглах боломжтой болжээ.

2023 оны гуравдугаар сарын 1-нээс эхлэн шинэчлэгдэн батлагдсан Үндэсний болон энгийн цахим гадаад паспортыг хэрэглээнд нэвтрүүлж байгаа тул иргэд та бүхэн өөрийн хүсэлтээр дээрх хоёр төрлийн паспортоос сонгон авах боломжтой аж.