"YouTube"-д алдаршиж буй хойд солонгос охин

Дэлхийн хамгийн хаагдмал орон болох Хойд Солонгосын амьдралыг олон хүн сонирхдог. Тэнд яг цаг хугацаа зогссон мэт, хөгжил дэвшлээс асар хоцрогдсон мэт санагддаг. Тэгвэл 11 настай Сон А гэх хойд солонгос охин "YouTube" сайтад влог хийж, Пёньян дахь өөрийн амьдралын тухай ярьж олон хүний анхаарлыг татаж байна. Хэвлүүхэн яриатай Сон А усан паркаар зугаалж, Харри Поттер уншиж, сайн найзтайгаа амттан идсэн зэргээ влогтоо ярьдаг аж. Хэдийгээр мэргэжилтнүүд түүний "YouTube" сувгийг суртал ухуулгын зорилготой "найруулсан жүжиг" гэж үзэж байгаа ч хэдийнээ 21 мянган дагагчтай болсон байна.

Бүдүүн баараг британи аялгаар ярих Сон А "Та Пёньянд очиж үзсэн үү?, Хэрэв та энд ирвэл үнэхээр гайхашрах болно. Учир нь Мунсу усан парк, Төв амьтны хүрээлэн, скейтээр гулгах талбай зэрэг хаашаа ч явсан цэцэрлэгт хүрээлэнтэй таарах болно. Хүүхдүүдийн тоглож болох зүйл зөндөө бий" хэмээн ярих нь үнэхээр өхөөрдөм.

"YouTube" сувагт 2022 оноос эхлэн хойд солонгос влогчдын сувгууд нээгдэж эхэлсний нэг нь Сон А-гийн влог аж. Тэдгээр влогчид модон чирэх идэх, загас барих, биеийн тамираар хичээллэх, дэлгүүр хэсч буй тухайгаа үзүүлдэг байна. Харин Сон А влогтоо усан санд сэлэх, хаданд авирах, жимсний амттай мөхөөлдөс найзтайгаа идэх, авга эгчээрээ бүжиг заалгах зэргийг харуулдаг ба үүнийгээ англи хэлээр тайлбарладаг байна.

Сон А саяхан тавдугаар ангиа төгссөн аж. Тэрбээр ээжийнхээ заавраар багаасаа англи хэл үзэж эхэлсэн байна. Улмаар 50 гаруй үг мэддэг болж, англиар ярьж эхэлсэн гэж ярьжээ. Түүний дуртай ном нь "Харри Поттер" цувралын "Филисофийн чулуу" бөгөөд хятад хэлээр бичигдсэн хуулбарыг барьсан буйгаар бичлэгт нь гардаг байна.

Song A has posted 12 videos over the last nine months, and attracted a following of 21,000 subscribers in the process.

Зарим хүмүүс түүний влогийг урьдчилан бэлдсэн зохиолын дагуу явдаг гэж харддаг ба ихэнхдээ охины нүд камерын цаана зогсч буй хэн нэгэн рүү хардаг гэж мэдэгджээ. Мөн түүнийг англиар ярих текстээ урьдчилан цээжилсэн гэж үзэх хүмүүс байна.

Хойд Солонгост цөөн хэдхэн хүн л интернэт ашигладаг гэж хүний эрхийн шинжээчид дүгнэдэг.

ЭХ СУРВАЛЖ: INSIDER