Ж.Мөнхбат бүрэн эрхээсээ чөлөөлөгдөх хүсэлт гаргажээ

УИХ-ын гишүүн Ж.Мөнхбат бүрэн эрхээсээ татгалзах хүсэлтээ өнгөрсөн Даваа гаригт буюу нэгдүгээр сарын 30-нд УИХ-ын дарга Г.Занданшатарт өгсөн байна. Түүнийг нүүрсний хэрэгт холбогдуулан шалгаж эхэлсэн гэх мэдээлэл цацагдсан. Гэвч, УЕП-оос бүрэн эрхийг нь түдгэлзүүлэх хүсэлт гаргаагүй байсан юм. Нүүрсний хэрэгт холбоотойгоор нэр бүхий гишүүдийг АТГ-аас шалгаж байгаа юм. Тэгвэл Ж.Мөнхбат өөрийн хүсэлтээр бүрэн эрхээсээ татгалзахдаа хууль хяналтынханд шалгуулахаа илэрхийлжээ.

Тэрбээр УИХ-ын гишүүнээр Архангай аймгаас хоёр дахь удаагаа сонгогдсон. Дашрамд сонирхуулахад, өмнөх парламентын үед Г.Номтойбаяр өөрийн хүсэлтээр гишүүний бүрэн эрхээсээ түдгэлзэж байсан удаатай.

УИХ-ЫН ГИШҮҮН Ж.МӨНХБАТЫН ТӨГССӨН СУРГУУЛЬ, МЭРГЭЖИЛ:

1997 онд Архангай аймгийн 10 жилийн “Авьяас хөгжүүлэх тусгай сургалттай” цогцолбор сургууль
2002 онд Монгол улсын их сургуулийг улс төр, судлаач мэргэжлээр
АЖИЛЛАСАН БАЙДАЛ:
2002-2003 онд Улсын Их Хурлын даргын Ажлын албанд зохион байгуулагч
2003-2004 онд Улсын Их Хурлын даргын шадар туслах
2005 онд Ерөнхийлөгчийн Тамгын газарт референт
2005-2007 онд Монгол ардын намын дэргэдэх НАМЗХ-ны Ерөнхий нарийн бичгийн дарга
2008-2012 онд Монголын залуу үеийн хөгжлийн ассоциацийн ерөнхийлөгч
2011-2013 онд МАН-ын төв хэвлэл “Монголын үнэн” сонины ерөнхий эрхлэгч
2012 онд Монголын ардын намын дэргэдэх НАМЗХ-ны дэд ерөнхийлөгч
2012-2013 онд Монгол ардын намын нарийн бичгийн дарга
2013 оноос Монгол ардын намын Ерөнхий нарийн бичгийн дарга, Удирдах зөвлөлийн гишүүн
2016-2020 онд Монгол Улсын Их Хурлын гишүүн
2016-2017 онд Монгол Улсын Засгийн газрын гишүүн, Монгол Улсын сайд, Засгийн газрын Хэрэг эрхлэх газрын дарга
2020 оноос Монгол Улсын Их Хурлын гишүүн
2020-2021 онд Монгол Улсын Их хурлын Боловсрол,соёл, шинжлэх ухаан, спортын байнгын хорооны дарга
2021 оноос Монгол Улсын Их Хурлын Төрийн байгуулалтын байнгын хорооны дарга