"Рио Тинто" цацраг идэвхт капсул алджээ | News.MN

"Рио Тинто" цацраг идэвхт капсул алджээ

"Рио Тинто" цацраг идэвхт капсул алджээ

"Рио Тинто" цацраг идэвхт капсул алджээ

"Рио Тинто" компани цацраг идэвхт бодис бүхий жижиг капсулыг Австралиар тээвэрлэж яваад алджээ. Тус капсул нь бага хэмжээний цацраг идэвхт Цезий-137 агуулсан бөгөөд арьсны гэмтэл, түлэгдэлт, цацрагийн өвчин зэргийг үүсгэх эрсдэлтэй. Тиймээс вандуйны хэмжээтэй буюу зургаан мм диаметртэй, найман мм урттай уг капсулыг хайх ажил 1400 км зам дагуу үргэлжилж байна. Онцгой байдлын албаныхан цацраг мэдрэгч болон бусад тусгай тоног төхөөрөмж ашиглан эрлийг үргэлжлүүлж байна. Эргүүлийн машинууд таван өдрийн турш хурдны замаар хоёр чиглэлд ойролцоогоор 50 км/цаг хурдтайгаар явж байгаа аж.

Алдагдсан капсул нь уул уурхайн салбарт түгээмэл ашигладаг нягт хэмжигчийн нэг хэсэг юм. Үүнийг Кимберли муж дахь Рио Тинтогийн уурхайд ашиглаж байжээ.

Капсулыг ойролцоогоор 14 хоногийн өмнө алга болсон гэж үзжээ. Тодруулбал, туслан гүйцэтгэгч компани нэгдүгээр сарын 12-нд Перт хотын зүүн хойд зах дахь агуулах руу төхөөрөмжийг тээвэрлэж яваад замаасаа алдсан байна. Нэгдүгээр сарын 25-нд үзлэг хийхэд цариг төхөөрөмж хагарч, цацраг идэвхт капсул алга болсон байжээ.

Капсул маш жижиг хэмжээтэй учир замаар өнгөрч буй тээврийн хэрэгслийн дугуйнд тээглэсэн байх магадлалтай. Мөн явуулын хүн санамсаргүй байдлаар олж аваад, өөртөө хадгалчих вий гэж болгоомжилж байна. Капсулыг олж аваад, нөлөөлөлд нь өртсөн тохиолдолд нэг цагийн дотор 10 рентген туяа хүлээж авсантай адил байх юм. Энэ хэрэгтэй холбоотойгоор баруун Австралийн өргөн уудам нутагт цацрагийн дохиолол зарлажээ.

Рио Тинто хүмүүст түгшүүр төрүүлсэндээ уучлал гуйж, мөрдөн байцаалтын ажиллагаа явуулна гэдгээ мэдэгдлээ.

Эх сурвалж: BBC

Энэ мэдээнд өгөх таны сэтгэгдэл?
8
ТэнэглэлТэнэглэл
3
ЗөвЗөв
3
ХөөрхөнХөөрхөн
1
ХахаХаха
1
БурууБуруу
0
ГайхмаарГайхмаар
0
ХарамсалтайХарамсалтай
Баярлалаа!

11 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2023-01-31 142.79.202.93

Оросууд л авсан гэхвийдээ хэхэ

Avatar

Зочин 2023-01-31 202.21.118.163

мөрдөн шалгалт болохоос мөрдөн байцаалт биш.

Avatar

Зочин 2023-01-31 64.119.25.127

Манайд алга болгосон бол хэлж мэдэгдэх ч үгүй.

Avatar

Зочин 2023-01-31 194.195.93.53

Баян хүнийг балаг тойрохгүй гэгчээр, энэ "Рио Тинто" компани үнэн балагтай компани шүү.

Avatar

Зочин 2023-01-31 45.117.35.33

Рио Тинто ОТ д цацраг идэвхит багаж, материал ашиглаж байгаа үгүйг Монголын тал мэддэг эсэх нь сонин.

Avatar

Зочин 2023-01-31 202.55.191.130

Ха ха, худлаа пид пид хийсэн юмнууд их болжээ.

Avatar

Зочинвв 2023-01-31 202.55.191.130

Мэддэг хамтарч ажилладаг байгаа шүү эргүү ац минь

Avatar

Зочин 2023-01-31 202.126.93.90

Манай бол дарга нар хусна юу ч хамаагүй

Avatar

Зочин 2023-01-31 66.181.191.27

news.mn байсхийгээд л гадаадад мэдээндээ тжхайн улсын нэрийг тавьдаггүйгээс олон түмнийг цочирдуулсан мэдээ нийтэлдэг.

Avatar

Зочин 2023-01-31 101.114.4.127

Австралиар тээвэрлэж яваад гэсэн байх юм уул нь

Avatar

Зочин 2023-01-31 192.82.70.142

Гадаад мэдээ гэдгийг тодотгохгүй бол манай мэдрэлүүд буруу сэвээд сенсаацлах вий дээ

NewsMN Гар утасны хувилбар Татах
NEWS.mn

Мэдээллийн эх сурвалж