Азербайжаны элчин сайдын яам руу зэвсэгт этгээд халдаж, 1 хүнийг хөнөөжээ | News.MN

Азербайжаны элчин сайдын яам руу зэвсэгт этгээд халдаж, 1 хүнийг хөнөөжээ

Азербайжаны элчин сайдын яам руу зэвсэгт этгээд халдаж, 1 хүнийг хөнөөжээ

Азербайжаны элчин сайдын яам руу зэвсэгт этгээд халдаж, 1 хүнийг хөнөөжээ

Тегеран дахь Азербайжаны Элчин сайдын яам руу өнгөрсөн Баасан гаригт зэвсэгт этгээд халдаж, хамгаалалтын албаны даргыг хөнөөсөн. Тэгвэл гэмт этгээд хувийн шалтгаанаар халдлага үйлдсэн гэж Ираны талаас мэдэгдсэн ч Баку энэ хэргийг "терроризм" гэж үзжээ.

Халдлагын улмаас Элчин сайдын яамны хоёр хамгаалагч шархадсан бөгөөд "хариуцлагыг" Иран хүлээх ёстой гэж Азербайжаны Гадаад хэргийн яам мэдэгдэв. Тус улсын хэвлэлийн төлөөлөгч Айксан Хацизада хэлэхдээ, саяхан Иранд Азербайжаны эсрэг кампанит ажил өрнөснөөр "халдлагыг өдөөсөн" гэж мэдэгджээ. Хацизада дараа нь Туркийн төрийн телевизийн “TRT Haber” сувагт ярихдаа, Элчин сайдын яамны ажилтнуудыг "Иранаас нүүлгэн шилжүүлж байна" гэж мэдэгджээ.

Ираны хэвлэл мэдээллийн хэрэгсэл болон олон нийтийн мэдээллийн хэрэгслээр цацагдсан хяналтын камерын бичлэгт хоёр эрэгтэй машинаа байрлуулж, зүүн Тегеран дахь барилга руу нэвтэрч байхад нь хурдтай машин ойртож ирээд машиных нь араас мөргөсөн байна. Хагас автомат буу барьсан нэгэн эр хоёр дахь машинаас гарч ирээд хамгаалалтын ажилтан руу дохиж, элчин сайдын яам руу хүч хэрэглэн оржээ. Элчин сайдын яамны доторх өөр нэг бичлэгт хоёр хүн орж ирэн, тэдний нэг нь гадаа шуугиан дэгдээж, хаалгыг онгойлгосноор буутай этгээд барилга руу дайран орж гал нээсэн байна.

Халдлагын дараа Азербайжаны Гадаад хэргийн яам Дипломат төлөөлөгчийн газрын хамгаалалтын албаны дарга амь үрэгдэж, хоёр хамгаалагч шархадсан ч биеийн байдал нь "сайн" гэж мэдэгдээд, мөрдөн байцаалтын ажиллагаа эхлүүлсэн байна.

Азербайжаны Ерөнхийлөгч Илхам Алиев твиттер хуудсаараа дамжуулан энэ халдлагыг "терроризм" гэж мэдэгдээд амиа алдсан хамгаалалтын офицерыг  дэслэгч Орхан Ризван гэж нэрлэсэн байна.

Тегераны цагдаагийн дарга, генерал Хоссейн Рахими хэлэхдээ, халдлага үйлдэгчийг баривчилсан бөгөөд азербайжан эмэгтэйтэй гэрлэсэн иран эрэгтэй байжээ. "Тэрбээр эхнэрээ Элчин сайдын яаманд есөн сар хоригдож байгаа гэж мэдэгдсэн" гэж Рахими телевизээр ярьжээ.

"Тасним" агентлагийн мэдээлснээр халдлага үйлдэгч өнгөрсөн оны дөрөвдүгээр сард эхнэртээ сураггүй алга болсон тухай мэдээлсэн боловч эхнэр нь аль хэдийн Азербайжанд буцаж ирсэн гэж хэргийн хууль ёсны баримт бичгүүдийг иш татан нэмж хэлэв.

Ираны хэвлэл мэдээллийн хэрэгслээр зэвсэгт этгээд хоёр бага насны хүүхдийнхээ хамт Элчин сайдын яаманд нэвтэрсэн гэж мэдэгдсэн ч цахим ертөнцөд тараагдсан видео бичлэгээс тэднийг хараагүй байна.

Олон нийтийн сүлжээгээр цацагдсан өөр нэгэн бичлэгт яамны дотор цусанд хутгалдан хэвтэж буй хүний ​​цогцсыг эмнэлэг болон хамгаалалтын ажилтнууд хүрээлүүлсэн байгааг харуулжээ.

Иран нь сая сая турк хэлтэн,  азербайжанчуудын өлгий нутаг бөгөөд Бакуг өөрийн нутаг дэвсгэрт салан тусгаарлах үзлийг өдөөж байна гэж удаан хугацаанд буруутгаж ирсэн.

Мөн Бакуд зэвсэг нийлүүлдэг гол нийлүүлэгч Израйль улс нь Азербайжаны нутаг дэвсгэрийг ашиглан Иранд довтолж болзошгүй гэж Тегеран болгоомжилж байна.

ЭХ СУРВАЛЖ: AGENCE FRANCE-PRESSE

Энэ мэдээнд өгөх таны сэтгэгдэл?
3
ХарамсалтайХарамсалтай
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

DR LUCIEN 2023-01-29 185.225.235.234

Өдрийн мэнд Эрхэм донор минь
Энэ нь Энэтхэгийн Венката нарийн мэргэжлийн эмнэлэг 29В Сент Стив Медикалын №29В эмнэлгийн зарим өвчтөнд бөөрний эрэлт хэрэгцээ их байгаа тул бөөр дахин $800,000 доллараар худалдан авч эхэлснийг бөөрний донор эрэгтэй, эмэгтэй хүмүүст мэдэгдэх зорилготой юм. Road, Bangalore INDIA, 21-ээс дээш насны хандивлагч Доктор Люсиентэй DR.LUCIENPYE.CLINIC@GMAIL.COM цахим шуудангаар холбоо барина уу, эсвэл whatsap: +19083082601 эсвэл 917050494622, энэ нь хүүхдийн тоглоом би

Avatar

INVESTOR BANK 2023-01-29 185.225.235.234

Бидэнд хөрөнгө оруулалт хийж ашиг олох боломжтой сайн бизнес, хэрэгжих боломжтой төслүүд яаралтай хэрэгтэй байна. Хэрэв танд түншлэл хэрэгтэй сайн бизнес байгаа бол SUPPORT@ECTBANKS.COM цахим шуудангаар илгээнэ үү.

Avatar

зочин 2023-01-29 211.184.154.228

Төрийн өмчит компаниудад хавтгайрсан хахуулийг хатуу шийтгэхгүйгээр зогсоож чадахгүй.

NewsMN Гар утасны хувилбар Татах
NEWS.mn

Мэдээллийн эх сурвалж