Оросууд Новгород мужид агаарын довтолгооноос хамгаалах систем суурилуулж эхлээд байна. Ерөнхийлөгч Путин болон түүний ойр дотны хүмүүсийг хамгаалахын тулд Валдай дүүргийн Ящерово тосгонд агаарын довтолгооноос хамгаалах системийг суурилуулсныг олжээ. “Энэ системүүд нь Путин болон түүний ойрын хүрээллийг Украины болзошгүй халдлагаас хамгаалж байна. Валдай дахь ерөнхийлөгчийн ордны ойролцоогоос энэ систем олдсон тул ийм дүгнэлт хийж болохоор байна. Ерөнхийлөгчийн ордноос өөр хамгаалаад байх байгууламж энд байхгүй” гэж эх сурвалж хэлэв.

Валдай дүүргийн нэгэн иргэн өнгөрсөн долоо хоногт Ящерово тосгонд авхуулсан зургаа хэвлэлд илгээжээ. Тус зураг дээр “Pantsir-S1” зенитийн пуужингийн систем гарсан байх магадлалтай байна. Украины нисгэгчгүй онгоцууд Оросын цэргийн нисэх онгоцны буудал руу дайрсны дараахан Ящерово хотод агаарын довтолгооноос хамгаалах систем гарч ирсэн гэж дүгнэв. Үүнтэй ижил системүүд Москва болон захын хэсгүүдэд ажиглагдсан. Тодруулбал, Москвагийн хэд хэдэн барилгын дээвэр, тэр дундаа Батлан хамгаалах яамны дээвэр дээр агаарын довтолгооноос хамгаалах систем суурилуулсан нь нэгдүгээр сарын 19-нд хэвлэлд нийтлэгджээ.

Оршин суугчдын хэлж буйгаар Ящерово дахь агаарын довтолгооноос хамгаалах системийн дэргэд дор хаяж гурван цэрэг байнга байрладаг аж. Мөн радарын антен нь үргэлж эргэлдэж байдаг гэлээ.

Эх сурвалж: UKRAYINSKA PRAVDA