Шүүхийн тангараг ба тонгорог! | News.MN

Шүүхийн тангараг ба тонгорог!

Шүүхийн тангараг ба тонгорог!

Шүүхийн тангараг ба тонгорог!

УИХ-ын Б.Энхбаяраар ахлуулсан түр хорооныхон бүтэн долоо хоногийн турш Төрийн ордонд Хөгжлийн банкны асуудлаар нээлттэй “байцаалт” явуулав.  Нэг талаасаа  хэн, ямар зорилготой зээл авсан нь олон нийтэд ойлгомжтой болсон.  Ингэснээр “Эрэл”-ийн Б.Эрдэнэбат, “Бэрэн”группийн Б.Мөнхтөр нар зээлээ зориулалтын бусаар ашигласан, Х.Баттулгын зөвлөх Ц.Ууганбаяр хоёр хоногийн өмнө худалдаж авсан 100 сая төгрөгийн үнэлгээтэй газраа 50 сая ам.долларын зээлийн барьцаанд тавьсан гээд анхнаасаа  Хөгжлийн банкийг тонож дээрэмдэх зорилготой байсан нь илчлэгдэв.

Нөгөө талаасаа хууль тогтоогчид нь хууль сахиулагч болж хувирвал хуулийн засаглал тогтохгүй. Хуулийн засаглал бол хууль сахиулах, хууль боловсруулах, хууль тогтоох байгууллага нь өөр, өөрийнхөө үндсэн эрх, үүргээ мөрдөхийг хэлнэ.  Хэдийгээр  нээлттэй сонсгол явуулсан зорилго нь зөв ч арга нь буруу байсан. Гэхдээ хууль, шүүхийнхэн нь шударга бус байгаа нөхцөлд УИХ нь УДШ болохдоо тулж байна, харамсалтай нь.

Нэг.

Ийм нэг үг байдаг, “Шударга ёс хүчгүй байвал аюултай. Хүч чадал шударга бус байвал бас аюултай” гэж. Монголын нийгэмд шударга ёс нь хүчгүй, хүч чадал шударга бус байгаа. Шударга ёсыг тогтооход хууль шүүхийнхний шударга ёс хамгаас чухал. Гэвчиг тэд нь мөнгөтэй цөөнхийн эрх ашгийг хамгаалдаг, эрх мэдэлтэй хүмүүст үйлчилдэг субъект болоод удаж байна.

Үүний нэг жишээ нь,  өмгөөлөгч Б.Баасанцогтын данснаас нэр бүхий 11 шүүгчид 2017 оны долдугаар сараас 2021 оны нэгдүгээр сар хүртэлх хугацаанд нийтдээ 47 сая төгрөг шилжүүлсэн баримт.

Б.Баасанцогт нь ҮАБЗ-ийн нарийн бичгийн даргаар ажиллаж байсан А.Гансүхийн гарын хүн гэвэл Х.Баттулга түүгээр дамжуулан шүүгч нарт хэрэг захиалдаг байсан гэсэн үг. Хамгийн гол нь Б.Баасанцогтын дансаар дамжуулан мөнгө авсан нэр бүхий 11 шүүгч ажлаа хийсээр байгаа гэвэл шүүхийг хэн шүүх вэ гэх асуулт тавигдах нь зүйн хэрэг.

Хөгжлийн банкийг тонож идсэн хэрэг гэнэтхэн 2022 онд гарч ирсэн асуудал огт биш аж. 2019 оноос хойш зээлээ эргэн төлөөгүй гэх асуудлаар “Эрэн”, “Бэрэн” зэрэг компаниудтай Хөгжлийн банк шүүх дээр зарга үүсгэсэн хэдий ч өнөөг хүртэл анхан шатны шүүх хурлын шийдвэр нь гараагүй.  Хэрэвзээ хэн нэгэн Эрдэнэбат өнчин ишиг хулгайлсан бол аль “уже” шоронд хоригдсон. Уг нь “Эрэл”-ийн Б.Эрдэнэбат иргэн Эрдэнэбат хоёрт хууль ижил үйлчилж байж Монголд шударга ёс тогтох юм. Харин хууль, шүүхийнхэн нь “Эрэл”-ийн Б.Эрдэнэбатад нэг өөр, иргэн Эрдэнэбатад тэс өөр хандвал Монголд шударга ёс тогтохгүй, битгий горьд. Монголд хувь хүний засаглал тогтох эсвэл хуулийн засаглал бэхжих эсэх нь хууль, шүүхийнхнээс л хамаарна.

Хоёр.

Хөгжлийн банкийг тонож идсэн гэх дуулиан дэгдээд бараг нэг жил өнгөрчээ. Хууль, шүүх нь хууль, шүүхийнхээ хуульд захирагддаг, өргөсөн тангарагтаа үйлчилдэг бол өнөөдөр энэ хэрэг эцэслэгдэж, буруутай нь ялаа үүрээд, буруугүй нь нэрээ цэвэрлэх байв. Нөгөөтэйгүүр ЖДҮ-гийн хэрэгт холбогдсон улстөрчдөөс дөрвөн гишүүн ял шийтгэл хүлээсэн, Б.Солтан, Д.Дамба-Очир, Б.Ундармаа, Б.Батзориг нар.

Зээлээ зориулалтын бусаар ашигласан гэж Улсын Ерөнхий прокуророос бүрэн эрхийг нь түдгэлзүүлэн шалгах хүсэлт гаргаж байсан УИХ-ын гишүүн Л.Энхболд өнөөдөр “шүгэл үлээгч” болчихсон явж байх жишээний. Л.Энхболдын хэргийг хэн, хаана “мулталж” аваад үлдээчихсэн юм, бүү мэд. Энэ мэтээр шүүх засаглалд дабль стандарт үйлчилбэл нийгэмд дабль стандарт бий болно гэсэн үг.

Шүүх нь тангарагтаа үйлчилбэл шударга ёс тогтоно. Тангаргаасаа няцвал шүүх засаглал эрх мэдэлтэй, мөнгөтэй цөөнхийн “тонгорог” болно.  Тиймээс Хөгжлийн банк, нүүрсний хулгай, төмөр замын авлигын хэргийг Монголын шүүх хэрхэн шийдэхийг нь харж л сууя. Шүүх хүн хэлмэгдүүлж болохгүй бас хүнд ял завшуулж бүр болохгүй.

Энэ мэдээнд өгөх таны сэтгэгдэл?
7
ЗөвЗөв
6
ТэнэглэлТэнэглэл
1
ХарамсалтайХарамсалтай
1
БурууБуруу
0
ХахаХаха
0
ХөөрхөнХөөрхөн
0
ГайхмаарГайхмаар
Баярлалаа!

Холбоотой мэдээ

11 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Иргэн 2023-01-24 66.181.186.51

Шүүх засаглал мөнгөтэй хүнд үйлчилдэг салбар болоод 30 жил болсон. Одоо улс төрчдийн биеэ үнэлдэг хамгийн том талбар болоод удаж байна. Нөгөө талдаа иргэд бол хаягдсан. Том авилга, улс төр, гэмт хэргийн шинж чанартай хэргүүд дээр далдыг хардаг далай лам байгаад ч шаардлага байхгүй. Гарах үр дүн нь ойлгомжтой! Монголчууд улс төр-гэмт хэрэг-эдийн засгийн бүлэглүүдийн хоронд хордож ирээдүйгүй орон болох тааруухан дүр зураг илт. Өөрчлөлтийг хэн, хэзээ, яаж эхлэх үү?

Avatar

Зочин 2023-01-24 213.87.89.47

!!!!!!! Хамгийн сайн тавтай морилно уу секс болзоо сайт – – – https://tinyurl.com/y9p4r96k

Avatar

Зочин 2023-01-24 192.82.83.163

Сэтгуулч онгоцхон дугнэлтууд хийжээ Сонсголоор УИХ Ундсэн хуульд заасан хяналтын уургээ биелууллээ Энхбаяр Сухбаатар нар сайн хотоллоо Иргэдийн хуулийн мэдлэгийг дээшлуулэх Хогжлийн Банкнаас авсан зээлийг ямар кампани улсад хэрэгтэтэй тосолд. Зарцуулсан ямар. Нь зальдаж зарим нь бур банк бусаар монго угаасан нь илэрлээ Сонсгол шуухэд ч хэрэгттэй болсон байх Шуугчид хаалттай хаалганы цааны асуудалд яаж хандаггийг иргэд мэдэхгуй Ийм сонсголын дараа нуруутай шийдэх бизээ

Avatar

Good News Mn 2023-01-24 37.19.196.231

Өрөө 1.98% -тай нэгтгэхийн тулд танд зээл хэрэгтэй юу? (
SUPPORT@ECTBANKS>COM ) Эсвэл Хувь хүний зээл * Бизнесийн зээл *Ипотек
Зээл гэх мэт. Сонирхсон хүмүүс бидэнтэй холбогдож дэлгэрэнгүй мэдээлэл авна уу
Имэйлээр: (SUPPORT@ECTBANKS.COM) WHATSAPP +19083082601======
Доорх өргөдлийн маягтыг бөглөнө үү: – Бүрэн нэр: – Зээлийн хэмжээ
шаардлагатай: – Зээлийн хугацаа: – Зээлийн зорилго: – Хот / Улс: –
Утас: – Та бидний тухай сонсох/линк өгөх сайтын нэр: ===== Та юу?
Өрөө 1.98% -тай нэгтгэхийн тулд зэ

Avatar

Зочин 2023-01-24 103.26.193.77

ХОРВООД ХОВОР ШҮҮХ УЛС ОРНЫ ХӨГЖИЛД СААД БОЛСОН ШУДРАГА БУС БОДВОЛ АВИЛГАД АВТСАН ГЭЖ БОЛХООР ШҮҮХ ШҮҮ ДЭЭ

Avatar

Үнэн турж үхэх ёсгүй 2023-01-24 202.9.46.9

"сонсголд өгсөн мэдүүлэг нь шүүхэд нотлох баримт болно" гэсэн нь шүүх эрх мэдлийг зөвхөн шүүх хэрэгжүүлэх Үндсэн хуулийн зарчимыг зөрчсөн явдал мөн. Хөнгөнөөр бодоход УИХ үүгээрээ шүүхэд нөлөөлсөн үйл явдал болно. Шүүх үүргээ биелүүлэхгүй байгаа орон зайг ингэж нөхөх биш ажиллахгүй ( хөнгөнөөр хэллээ шүү) байгаа шүүхийг шудрага шүүхийн түвшинд ажиллуулах ҮХ болон ШТХ ийн арга хэмжээг авах цаг болсоон!

Avatar

Зочин 2023-01-24 64.119.27.103

Манай шүүх ч дээ, буруу хойшоо…. улс төрчдийн дохио зангааны л хэрэгсэл ш дээ !

Avatar

зочин 2023-01-24 202.21.104.2

үнэн худлыг дэнсэлж хууль сахиулах үүрэгтэй шүүх засаглал нь ажлаа хийхгүй мафийн сүлжээнд орж гэвэл энэ уллсад хэнд юунд итгэж амьдрах вэ? хууль шүүхийг дэлбэлэх цаг болжээ!

Avatar

Зочин 2023-01-24 66.181.161.147

Монголын шүүх гэж мафийг бүгдийг нь чирэж гаргаад шүүх хэрэгтэй

Avatar

Шудрага ёс 2023-01-24 202.21.96.178

Бухын доодхыг харж Үнэг турж үхнэ.Шүүхийн доодхыг харж Үнэн турж үхнэ.!!!!

Avatar

Зочин 2023-01-24 203.98.76.9

Сэдэю бол зөв байна. Асуудалд өнгөц дүгжэц гэж үзэж байна Тэр 11 шүүгчийг Шүүхийн сахилгын хороо яагаад авч хэлэлцэхгүй байна Хэрэгт холбогдсон шүүгч нарыг тухай бүр нь зайлуулж байж шүүгчээр ажиллах хүмүүст шударга ажилахад нь сургамж болно

NewsMN Гар утасны хувилбар Татах
NEWS.mn

Мэдээллийн эх сурвалж