Монголын лего роботын үндэсний аварга шалгаруулах тэмцээний ялагчид тодорсон байна.  Тодруулбал, нэгдүгээр байрт “Оюунлаг” сургуулийн “Manuls I” баг,  хоёрдугаар байрт “Green School Mongolia” сургуулийн “GSM Kobo” баг, uуравдугаар байрт “Шинэ эхлэл” олон улсын сургуулийн “Союз 39” баг тус тус шилдгээр шалгарлаа.

Харин тэмцээний “FLL Project” шагналыг Баянхонгор аймгийн Номун далай сургуулийн “Номун далай” баг, “FLL Robot design” шагналыг Монгол тэмүүлэл олон улсын сургуулийн “MAIS” баг, “FLL Outstanding” шагналыг Завхан аймгийн Тосонцэнгэл сумын лаборатори 1 дүгээр сургуулийн “Тосон робот” баг тус тус хүртжээ.

“Сансрын хиймэл дагуул, дэлхийн тойрог зам” хэмээх ерөнхий сэдвийн хүрээнд зохион байгуулагдсан энэхүү тэмцээнд Улаанбаатар хот болон 8 аймгийн 23 сургуулийн 6-10 дугаар ангийн 26 баг, 150 сурагч оролцсон юм.

Г.ХОРОЛ