Хоёр хүүхэд хүнд гэмтээж, долоон машин мөргөсөн жолооч Ч.Маралмаад холбогдох хэргийн шүүх хурал маргааш 11.00 цагт товлогджээ. Эргэн сануулбал, уг хэргийн урьдчилсан хэлэлцүүлэг энэ сарын 11-ны өдөр болсон. Энэ үеэр хохирогч охины аав "Одоо ярих юм алга. Урьдчилсан хэлэлцүүлгийн дараа мэдээлэл өгье. Охины маань шинжээчийн дүгнэлт хүндэвтэр гэдгээрээ батлагдсан. Охины хөлийн шарх аньсан. Харах үзэмжийн хувьд онгорхой, үрчийгээд муухай болсон" гэх мэдээллийг өгч байлаа. Харин Ч.Маралмаагийн өмгөөлөгчийн мэдээлснээр шүүх шинжилгээний дүгнэлттэй санал нийлэхгүй, мөрдөн байцаалтад буцаах хүсэлтэйгээ илэрхийлсэн байдаг.

Ч.Маралмааг Эрүүгийн хуулийн тусгай ангийн 27.10 дугаар зүйлийн хоёр дахь хэсгийн 2.2, 2.4 дэх заалтаар яллагдагчаар татаад буйг албаныхан мэдээлсэн.