Тель-Авив хотод Бямба гаригийн орой олон арван мянган израильчууд Ерөнхий сайд Бенжамин Нетаньяхугийн шинэ засгийн газрын шүүхийн тогтолцоог шинэчлэх төлөвлөгөөг нь тус улсын ардчиллын үндсийг алдагдуулна гэж эсэргүүцэн жагсав.

Израилийн хэвлэл мэдээллийн хэрэгслээр  100 мянга орчим хүн эсэргүүцлийн жагсаалд оролцсон гэж мэдэгдэв.

Үүнээс  долоо хоногийн өмнө өөр нэг жагсаал болсон бөгөөд энэ нь Нетаньяху болон түүний хэт үндсэрхэг үзэлтэй, хэт үнэн алдартны засгийн газрыг эсэргүүцсэн олон арван мянган хүнийг хамарсан юм.

Эрх мэдлийн тэнцвэргүй байдал нь шүүгчид болон засгийн газрын хуулийн зөвлөхүүдэд хууль боловсруулах болон засаглалд хэт их эрх мэдэл олгосон гэж засгийн газар үзэж байна.

Нетаньяху сөрөг хүчнийг үл харгалзан өөрчлөлтийг үргэлжлүүлэхээ амлав.

Эсэргүүцэгчид далайн эргийн метрополис хотын төв гудамжуудыг дүүргэж, Израилийн далбааг барин "Манай хүүхдүүд дарангуйлагч дэглэмд амьдрахгүй", "Израиль, бидэнд асуудал байна" гэв.

“Энэ бол улс орноо хамгаалах жагсаал” гэж жагсаалд нэгдсэн сөрөг хүчний удирдагч, Ерөнхий сайд асан Яир Лапид мэдэгдэв. "Ардчиллаа хамгаалахын тулд хүмүүс өнөөдөр энд ирсэн” гэжээ. “Бүх үеийнхэн санаа зовж байна. Энэ бол хошигнол биш” гэж жагсагч Лиор Студент хэлэв. "Энэ бол ардчиллын бүрэн шинэчилсэн тодорхойлолт юм” гэжээ.

Эсэргүүцлийн жагсаал Иерусалим, Хайфа, Беершеба хотуудад болсон.

Энэ долоо хоногийн эхээр авлигын хэргээр шүүгдэж буй Нетаньяху эсэргүүцлийн жагсаалыг үл харгалзан шүүхийн шинэчлэлийн төлөвлөгөөг үргэлжлүүлнэ гэж амласан.

Өрсөлдөгчид нь энэхүү өөрчлөлт нь Нетаньяхуг авлигын хэргээр шүүхээс ялаас мултрах эсвэл шүүхийн хэргийг бүрмөсөн алга болгоход тусална гэж үзэж байна.

ЭХ СУРВАЛЖ: ASSOCIATED PRESS