Улсын хэмжээнд ноолуурын үнэ нэгдүгээр сарын 16-ны өдрийн байдлаар 1 кг нь 40-80 мянган төгрөгийн үнэтэй байна.

Нэгдүгээр сарын 2-нд Ховд аймагт цагаан ноолуур кг нь 60 мянган төгрөг, бор ноолуур кг нь 40 мянган төгрөгийн үнэтэй байсан бол нэгдүгээр сарын 16-ны өдрийн байдлаар цагаан ноолуурын үнэ өсөөгүй, бор ноолуурын үнэ бага зэрэг өсч, 45 мянган төгрөгт хүрчээ.

Өмнөговь аймагт нэгдүгээр сарын 16-ны байдлаар цагаан, бор ноолуурын үнэ 75 мянган төгрөг хүрч нэмэгдсэн бол Баян-Өлгий, Булган, Говь-Алтай, Дундговьд нэг кг цагаан, бор ноолууын үнэ 80 мянган төгрөгт тогтворжоод байна.