Дуучин Рианна найман сарын өмнө анхны хүүгээ өлгийдөн авсан юм. Өдгөө 34 настай түүнд ээж байх нь үнэхээр тохирдог гэж “People“ сэтгүүлд ярьжээ. Мөн реппэр Роккиг "хүүгээ өсгөхөд маш их оролцдог, сайн аав" гэж хэлсэн.

“Fenty Beauty” брендийг үүсгэн байгуулагч тэрбээр өнгөрсөн сард хүүгээ анх удаа харуулсан “TikTok” видеог хуваалцжээ.

Рианна хэлэхдээ, “Ээж болсон нь намайг шинэ зүйл хийх, бүтээхэд маш их урам зориг өгч, эрч хүчтэй болгож байна" гэсэн байна.

Тэрбээр уран бүтээлээ үргэлжлүүлэхээр студидээ эргэн ирсэн бөгөөд “Super Bowl”-ийн тайзан дээр дахин дуулна.